唔經唔覺...
上到第八堂喇
嗯....一路上堂都覺得宇正B在進步
雖然每堂學的都大同要異
都係練下大小肌肉,手眼協調,聽指令做動作等
呢個年齡就係要學呢D麻
雖然Katherine媽媽都有心動過
好無比學術性高d既playgroup比宇正b上下
不過最後都係堅持反適合的年齡做合適的事
呢下其實對Katherine媽媽都幾有難度架
你地知我做邊行架喇....
對住班一年級
有d連字都唔識多隻
好驚自己太鬆手
令到宇正變成佢地咁
個低打得唔好
到時就難攪喇...
對於自己既小朋友
我唔希望用平時係補習社的方法做
我希望用一個大家都開心的方法去學習
老實講...係補習社根本做唔到
太多課程要追
時間唔夠...自不然壓力就大
係壓力低下學習又怎樣開心呢
講得遠左添....
講返呢堂先喇
好奈無講下宇正b既上堂情況喇
上星期婷婷老師請假
隔左一個星期上堂
不過宇正b好快就進入狀態
可能唔係只係我湊
宇正b相對其實小朋友黎講唔係太怕生保
加上都到第7堂喇
一d流程都幾熟
唔駛媽媽陪同都可以自己完成
去到如果未夠鐘上堂的話
會有玩具時間
有幾箱玩具比小朋友玩
宇正b就自己波去玩
唔駛媽媽陪
到夠時間收玩具
老師會問小朋友自己收玩具
宇正b呢下都好自己波
有時仲要幫埋其他同學仔收添
所以助教晶晶姐姐叫宇正b做"班長"
收好玩具 就到點名時間喇
老師叫名叫到再自己行去老師到攞一張圓形的地氈坐
呢part都係宇正b自己行去攞...
攞的時候要講"謝謝" 或 "唔該"
唔識講既都可以點頭表示就可以喇
呢part宇正b可以講"謝謝"
再黎就係幾個小遊戲 小練習
近呢幾堂都係運動多
即大肌肉練習
呢part其實宇正b都幾弱
小肌肉呢
一時時喇
呢d都係要多多練習先有進步
係堂上做的只係一個試範
回到家裡就要好好練習的
所以就算當時堂上做唔到
都唔緊
搵出方法 多d同宇正b玩下
就可以喇
今日新嘗試
玩羽毛
七彩的羽毛每人一條
爸爸/媽媽由高處張羽毛放下
要小朋友眼一路望住
直到飄到地下
訓練專注力
宇正b : pass
再黎就係坐係波波池
一堆羽毛從高處飄下
比佢地感受唔同的物質質覺
宇正b: 開始時ok...不過後段要求離開波波池
羽毛雨下完
再黎就係小朋友至愛的波波喇
6個小朋友坐係池內
大人們將波波拋入去
小朋友將波波擲出去
來一個"波波大戰"吖
funny~
宇正b: 玩得不亦樂乎
再黎就係場地障礙賽
大家排好隊去另一個課室
開始前唱熱身歌先
唱完歌就開玩喇
呢日又有新玩意
小朋友自己大長碌
老師會從旁輕輕協助
宇正b:呢part麻麻
等媽媽係屋企又同佢玩下先
玩完排隊返自己課室
tea time!!
不過今日有d特別
老師跟每個小朋友一個小膠夾
再放一碟餅比小朋友自己夾
抹完手 唱完茶點歌
開始夾喇
宇正b: 對於連用匙都有難度既宇正b
呢part 係十個"難"...所以係媽媽捉住宇正b既手仔完成的
差不多落堂喇
小朋友自己收櫈仔
搬去比老師
宇正b:搬搬抬抬宇正b至喜歡
順利完成
唱完bye bye 歌
再hug hug老師
落堂lu~
