2012年1月30日 星期一

湯水

2011年1月30日 (星期一)

寫呢個主題

並唔係要分享點煲靚湯

事實上我對煲湯並唔係太在行

(我家房由男主人話事的)

不過我好buy飲多d湯水對身體有益

呢d就係中國人的養生之道

宇正係麻麻度

時時都會有唔同既湯水飲

好似近排宇正有d咳同啖

麻麻就燉川貝比宇正飲

好過食西藥

不過下下用明火燉野

d煤氣費真係好金架

我坐月個時

淨係比煤氣就要3千幾蚊

肉痛死

思前想後

就買左呢個喇



本來想買個細size既

不過老公話買大既可以燉湯飲

一家三口都夠用

送四個細size的

可以一人一盅



呢個仲可以用來蒸餸

買完即刻試下先



川貝雪耳燉梨

我負責......

試味!!
 

 

 




2012年1月26日 星期四

初一 to 初三

2011年1月23日 - 25日  (星期一至三)

一年咁多個節日

最忙碌的都應該是農曆新年了

因為我同宇正爸爸都好重視呢個節日

屋企會大掃除

掛揮春

換了門口的地氈

希望新的一年新的開始

幾天的公眾假期行程排得滿滿的

每天都有地方要去

不過新的一年我地一家三口病了

好奈無試過病到發燒

食左西藥有暈暈地

所以幾日都不在狀態

加上生理期就到人又燥底喎

簡直no good

希望大家見到我黑面燥底個樣唔好嚇親

so sorry ar!!!!  

**********************************************

講下呢個新年我地一家去過邊樹呢?

初一主要係去男家長輩家拜年

夜晚係老爺奶奶家BBQ



初二就到我家親戚飲茶團拜



因為去開個頭

所以下午就同宇正去黃埔的冒險樂園玩





仲比我見到BLOG友皓皓媽咪一家添

不過我怕羞又人多無去同佢地SAY HI 喇

夜晚無地方去

又去左老爺奶奶到食晚飯

初三就堅囉

係最凍既一日入左流浮山同我麻麻拜年

中午先去DADDY屋企午餐

DADDY煮的紅米飯好好味吖

勁多料 (有山藥, 紅棗 , 元貝)

得閒要再去食先

之後去左apm行一陣就出發坐巴士入去喇

一去到

麻麻當然就不停煮煮煮





雖然好飽 但依然不停食食食

好幸福的感覺

無奈真係唔係太多機會入去探望麻麻

我知道每次我地去到佢都好開心不停煮煮煮

就好似以前細個時一天三餐都會去麻麻屋企食

人大左  知道的事多左

無以前咁無憂無慮

食多少少都怕比人話

如果唔係我係好希望多d去探麻麻的

老人家  見得一次得一次喇

離左題添

係麻麻到食完晚飯

坐車出到沙田都只7點半到

早食飯嘛!

同宇正行左一陣玩具反斗城就屋企喇

第二日要返工作嘛!!

***********************************************

2012年1月21日 星期六

年廿八

2011年1月21日  (星期六)


今日來要上playgroup

但因為宇正的病未好

只好幫佢請一天假

見朝早佢仲係咳

無謂野到其他小朋友喇

星期五連我都終於打敗仗了

一向好少病到發燒的我

好辛苦....

不過宇正都好乖

無乜扭計

係睡覺時要搵爸爸

(呢晚老公要去板鋪團年)

10點幾訓到10點幾

半夜起左一次身食多次藥

好左好多喇

係d藥令人暈暈地姐

呢日年廿八

要做既就當然係大掃除喇

之前已經用漂白水漂過浴室

所以今日主打係厨房

而我家厨房係由男主人負責的

所以我要做既就只係平日都會做的日常清潔

再加埋換床單

做下呢樣做下個樣

玩左兩個幾鐘

清潔好喇



時間剛好是tea time

去屋企樓下食少少野

仲要買返頭先唔記得買的新地墊

買到屋企先發現太細同忘記左要買個底係防滑的

失策!!

唯有夜晚出去食飯時再搵過喇

點知   原來要搵張大size的地墊原來都好難架

前兩年個兩張我係公司樓下的雜貨鋪到買

今年唔記得諗住係屋企附近買喇

點知就出事喇 >"<

唯有買細喇

不過拼落屋企門口真係好鬼祟 @@"

嚟緊呢幾日唔知會唔會update個blog

係到先祝各位

龍年進步!!

心想事成!!

身體健康!!


2012年1月18日 星期三

交叉感染

2011年1月18日  (星期三)

*********************************

又好幾日無寫blog

因為呢幾日一家三口都唔舒服

源頭係我

傳去到老公到d箘勁左

連宇正都有少少中招了

去醫生到配左平安藥食緊

仲未清到

希望新年前攪掂佢喇

老公食左藥訓

話聽日唔好就睇醫生

我呢???

未keep住作病感覺囉

朝早起身就喉嚨痛

食粒止痛藥落去就會好d

尋晚早早就訓

唔知係未訓多左

周身骨痛囉

攞命

****************************

呢個星期一到三由老公湊宇正

事關宇正麻麻要去幫宇正姑姐手

宇正表妹仔出世喇

星期四,五老公要出紅磡做野

所以下午都係要麻麻幫幫手

夜晚收到麻麻電話

叫老公要出去的話就直接帶宇正去佢到

表妹仔同姑姐直係麻麻到喇

應該係為免麻麻太頻撲

**************************

小朋友們返埋聽日就放假了

明天應該係做假期功課

考試成績無咁快知道

就開開心心過呢個新年喇

新年後就是下學期的開始了

希望大家都繼續努力

唔好要我勞氣喇!!!

************************

2012年1月11日 星期三

雜想

2011年1月11日  (星期三)



***************************************
唔C服就早D訓喇

BUT 我訓唔到囉

WHAT THE .......!!!!

**************************************
玩完個Christmas 和元旦後

大人細路個心都創哂

宇正頭幾日交收時極唔願跟麻麻

以為我地去反唔預佢

傻豬  我係去做野唔係玩吖

到你大個時要黎我工作的地方

我怕你會喊咁口吖 

仲有個幾星期就農曆新年喇

又有幾日公眾假期

不過我呢幾日都忙於同學生溫考試

連續幾個鐘不停講卷對卷

到放工時做到我同Candy姐姐攰到不似人型呀!!!

****************************************

近呢幾個月宇正講說話有進步了

句子同生字都用多左

不過講得最多都係no字

因為呢個年紀的小朋友開始想mud都自己做

唔要人幫

做唔到時有發皮四

我EQ真係唔高

所以好多時都大聲左罵人

我知!!我知!!小朋友是父母的鏡子

所以宇正粗手粗腳時

我就會係度想  我平時咪咁呢

又有時宇正發皮四時的動靜好似我

佢爸爸即我老公就會串我  "嗱!個仔學哂你D衰野喇!"

衰得佢吖!!

不過都係真既

所以雖然我有千百樣缺點

之但係我會反思然後盡量改善喇

**************************************

係屋企劃左一個NAUGHTY CORNER

當宇正講唔聽時

我就會捉佢去企係樹唔鬼啋佢

效果係好過我下下大大聲罵

教仔方法仍在改進中

***********************************

好喇! 有D睡意喇!!

GOOD NITE~~~

2012年1月7日 星期六

Toddler wonderland L4

2011年1月7日  (星期六)



宇正上呢個班有4堂了

基本上每次入課室時都會哭到死去活來

媽媽曾經一度覺得自己係味報錯左呢個班??

比錢黎比宇正喊足一小時十五鐘

放左兩個星期

莫講宇正吖

連我都好怕再要上堂

因為見到宇正喊成咁你都咪話唔心痛吖!!!

不過做人唔可以半途而廢既

報得就要上哂佢

呢D問題遲早都要面對喇
 
8月尾宇正都要上k1喇

去到換鞋時宇正都開始扭喇

又話要VV

呢日爸爸都有一齊

快手叫爸爸同佢去廁所

當然地係報假案喇  (係屋企出門口時先去完)

去到課室時Miss EMMA 好熟手就抱走宇正入課室

我講左句:  媽咪放學就黎接你!乖!  就即走

出到學校出面

比爸爸發現出面D窗雖然油左圖畫遮住

不過係有少少窿比你「目及」到入面架

其實係外圍都以經聽到宇正的喊聲

望入去  見到Miss Emma比盒紙巾宇正抹眼淚

宇正係有攞既

最起碼佢係無拒絕溝通

呢下我都安樂d

爸爸話唔好睇太奈喇

怕比宇正發現

我地去左商場食左個早餐

老公見我坐立不安

問我係味想去偷望宇正吖??

HAHAHA.....知我者也

比我發現個好位可以見到宇正上堂情況 

當然唔會放過呢個機會喇

再去到學校出面時

剛好係SNACKS TIME

見到宇正無大喊   不過係咁叫住媽咪

不過老師叫佢派碟比同學仔佢又識幫手喎

HAHAHA....喊住黎上堂

派完餅時....宇正無因為太掛住我而食唔落

返而化悲忿為食量  .....狂食
 
不過食完又開始喊喇

老師問佢要唔要添佢都唔要喇

到差不多落堂的時間  (尾10分鐘到喇)

唔知宇正係未知道時間呢??

又開始大喊

其他人上堂

佢就走去課室門口意圖開門離開

係咁叫住 "媽咪"  "媽咪"

何其悲壯吖!!!

終於

到11點45分

落堂喇

宇正見到我反而收左聲

老師交帶叫佢比我的今堂NOTE 立即比我

有同老師SAY BYE BYE

係去到門口爸爸叫同COUNTER的 EE講 BYE BYE

另咩面唔應人

再次証明有爸爸(靠山)係度佢係無咁聽話

總括黎講

見過今次上堂的情況後

宇正的適應力比我想像中強

喊就緊架喇

不過係喊當中起碼都同老師有交流

咁以經足夠喇

希望黎緊仲有6堂

宇正會喊少DD喇

2012年1月6日 星期五

愛之初體驗


 



倔強而失落的少女,從香港的石屎森林,跑到既燈紅酒綠又碧海藍天的台灣,尋找親情、愛情的初體驗。 年青編劇李穎蕾真心寫成的第一個劇本,著名導演李鎮洲以生命的歷練,為這一段愛之初體驗,提供通透的演繹。



亞妹又有舞台劇上演喇!!

喜歡舞台劇的你

來吧!!




http://www.hk.artsfestival.org/tc/prog/38#prog38


2012年1月1日 星期日

在祖國度過了除夕和元旦


2011年12月31日 to 2012年1月1日

 (星期六  ~ 星期日)


除夕和元旦日


比左家企人


不過我都當係一個trip咁玩架

其實只係1月1日 下午要食個午宴

宴請宇正嬸嬸的親友

所以我地一家連同宇正爺爺麻麻早一日去住一晚

當去旅行囉

同行的還有宇正太婆 ,大舅公

大舅公係内地有屋唔洗住酒店

31號係屋企樓下飲完茶後

join埋太婆的車直到酒店

好方便 

我都係第一次咁返祖國

經深圳灣過關連車都唔洗落

勁方便吖!!!

下午3點半到達入住的酒店

宇正叔叔和嬸嬸都到達

放好行李候係樓下lobby 的cafe 坐下吹下水




食個tea

等大舅公黎

夜晚請食鐵板燒

大漁again!!!!!



不過個人覺得今次個師父燒得麻麻地

最豐收的應該是宇正喇

大舅公送一堆玩具比宇正

差不多放滿成個車尾箱

多謝哂


食完飯9點幾返到酒店

除夕夜當然大家都唔會咁早休息喇

又係lobby cafe飲下野吹下水

12點到數完返房休息 (其實係吹水吹到到12點01分先知)

宇正好快就訓左喇



不過我就訓得唔係太ok

可能係張床硬左d

第日宇正訓到9點半

仲稔住可以訓到10點添

趕唔切食早餐

所以慢慢梳洗收拾東西

下午的飲宴係呢間酒店ball room 擺



唔趕


2點幾3點早完飯

被邀請去人家坐下

宇正去到見到呢架車



簡直欲罷不能

全程坐係度

坐一陣番酒店等車

又係一路坐到返屋企

方便

同爺爺麻麻係屋企樓下食完晚飯就散band

返屋企睇天與地大結局