JOYFUL WEEKEND

2012年9月22日 (星期六)

呢日相約了熙熙一齊去大埔小白鷺喂羊咩咩，前一晚落雨大家都怕去唔成，好再第二日天公造美。我地坐火車去大埔再轉的士，話咁快就到達！

兩位小朋友完全唔怕，喂得勁開心，買左20蚊4束草，話咁快就喂完！



入門口時間見到有彈床玩，20蚊10分鐘，當嘆下冷氣，兩個又係玩得好開心

之後坐火車出九龍塘，做乜?



高茶是也



298FOR TWO再加一，唔算太貴，偶然豪一下，對自己好D

 

份量唔算多，不過味道不錯

咖啡麻麻，苦左D！

 

有人發皮四唔比我影，近來D脾氣好大，尤其是唔夠訓同攰個陣，唔知係未因為食左西藥個人唔C服呢？好頭痛亞仔你咁媽媽好難帶你去街架！

高茶完轉超市再上左熙熙屋企玩+晚餐



好奈無同兩隻狗狗影相喇！

食完晚餐就返屋企喇好奈無試過同宇正去咁遠街，呢排老公星期六日都要OT，得我一個又懶去咁遠，所以宇正今天玩得好開心！(左中段等位時發皮四外)希望佢只係因為唔C服先係咁喇！

病病病+video

2012年9月21日 (星期五)

今日終於失守了，對功課對到癲左！不停咆哮我真係好唔鐘意自己咁.........

呢個星期宇正的病好似嚴重左，咳得利害左，星期二朝早有少少燒所以請左一日病假，佢一發燒就會瞓得唔好，好幾日我都無覺好瞓，好再食完藥星期四五開始好轉，希望佢快d儲多d抵抗力，如果唔係真係怕佢有排都唔好

呢排因為宇正返學開始大個仔，我就睇返好多佢BB時的相同片懷，手痕整左個VIDEO賀一賀宇正開學。幾好玩~

其實仲有好多片，不過未想到個主題同點剪，好唔好整個<食>篇呢？不過想唔到用咩背影音樂，大家有未好idea呢?

BACK TO SCHOOL

2012 年9月14日  (星期五)

 

今晚終於o的起心肝打blog，事關開學無奈宇正就病病地，跟住就到我，一日都係病左好奈又唔肯早d瞓，係都要睇埋夜間新聞，第二日又6點幾起身返工o個個囉！野病哂連續兩日隊左杯感冒茶，好返好多！所以寫下近況記錄下先



開學兩個星期，一切運作開始正常返(我講我)雖然成日話呢個暑假無乜點休息過，不過工作量始終係輕鬆D既，一開學有功課有默書有測驗有考試，每日都好似打仗咁，所以雖然工時小，但工作量大架，仲要無得留低聽日做，即日完成


好彩經過上年比班魔鬼訓練後(無錯！係我比佢地訓練)，今年我的LEVEL明顯升高左！希望唔好咁易發火，我仲想睇住宇正娶老婆

宇正係9月5日正式自己坐校車返學喇！頭兩日都係喊住比EE捉上車，去到第三日可以喊住自己上校車，隔左個WEEKEND，諗住佢又會喊喇！點知可以自己上校車，仲無喊添！跟住個幾日直頭可以係校車上同我講BYE BYE。叻仔 ！雖然每朝一起身就問我今日洗唔洗返學，知道要返的話感覺有D DOWN，不過每日接你的時候都見到你不停講做過乜，就知道返學係開心既，要好好ENJOY幼稚園生活吖！

開學無奈，我班學生都開始教書啦！某日，其中一個學生有呢份功課，哇！好HIT的課題吖！



老實講，國民教育其實一直都有，不過無獨立成科，一至六年級每年的常識科一定有一册係講國民教育，中國歷史的，當然內容都係一D基本的常識，一D太敏感的題目係無講的(即係而家所講的當代國情)，作為一個補習老師，我係反對獨立成科的，理由好簡單，開多科未即係要考多科，依家香港既學生壓力都巳經好大啦！不過只要個內容無問題，我係同意國民教育的(唔好話我五毛住)點解咁講呢？今日個位學生要做其中一頁，係問答題，其中一題我見到咁既情況：

誰是中國現任國家主席？

毛澤東  

。。。。。。。。。。死左好奈喇佢。。。

跟住佢行黎問我回歸前香港係受咩國家統治？如果學校唔教，個小朋友又唔興睇新聞，亞爸亞媽又無教，佢身為一個香港人，中國人，連自己國家主席都唔知係乜水，就真係麻麻喇！

不過對於政府取消中史唔係中學的必修科，我就真係唔贊同，歷史就是歷史，可以係一個中立的角度去學習中國的歷史文化，有人話呢個係一個陰謀去推國民教育。我其實都覺覺地

呢件事上，Katherine媽媽都仲係抱住中立同觀望的態度去睇，事實上我補個幾間小學都無獨立成科，加上而家個決定權係學校到，家庭們就係選校方面自己留意喇！

中秋就到，係我未買燈籠比宇正之前，CANDY姐姐就送左個比宇正喇！仲係宇正最愛的MICKEY，宇正真幸福！THANKS~~

K1親子活動日

2012年8月30-31日  (星期四、五)

終於，宇正的讀書生涯開始了，正式開學前學校安排了3日的親子日比小朋友習慣一下，如果坐校車的仲會有試坐添，因為9月3日我無可能攞到假，所以3日我只係陪到2日，第三日就由老公請假做書僮喇
**********************************************************************************

第一日
8月30日(星期四)
當我同宇正講要返學喇！佢就比個咁既樣我

歡容D好嘛？！咁未好囉！開心唔開心都係要返學架喇，緊係開心着數喇

第一日返學未有校車住 ，咁熱，打的喇！

第一日主要係派書，手冊，玩教具(認字，數字，英文字母)比家長知道學校的教具教材係點既，1個半鐘好快就過了，食完茶點就放學。

************************************************************************************
第二日 8月31日(星期五)

第二日著校服時無喊咁口啦！著左校服的宇正，大個仔左好多！仲周圍同人打招呼，係街三唔識七都打喎，我感覺佢認為自己着左校服係唔同D

去到等校車處，因為老師一再提醒家長要小朋友自己揹書包，所以宇正係咁叫我幫佢攞茶點袋，我都無理佢

另外，同佢定左新規矩，着住校服係唔抱既。

校車到了

到達學校，第二日係大肌肉遊戲，未夠鐘上堂時，坐係座位到玩玩具先

學校門口，等買學校運動鞋，本來小朋友去玩彈彈床，不過宇正唔肯玩，死黐住我



買完返課室繼續玩

又係茶點完就放學



**********************************************************************************

第三日

9月3日 (星期一)

因為完全係聽老公口述，佢唔肯偷影相比我睇，今日係美術堂，玩泥膠，宇正至愛，美勞白痴的爸爸都有幫手呢！

茶點時間前老師會帶小朋友去洗手間，之前兩日宇正死都要我跟住，不過因為廁所唔比男家長入，所以就係咁宇正比老師捉左入廁所，老公形容當時宇正死命捉實爸爸的手，不過老公唔理三七廿一由老師捉宇正去，好壯烈的情景咁話，之後因為宇正仲聽到廁所門口有爸爸把聲，扭計喊哂唔肯去VV，老公索性返入課室等。

等左一陣，宇正係最後一個入課室，樣子正常不過，完全無喊過的跡象，仲好開心同爸爸say hello添！即係頭先扮哂蟹啦

老師仲係課室上讚呢個爸爸做得好，威啦你

**********************************************************************************

三日的親子日就咁就過左喇！休息一日(星期二係K2,K3開學日，K1放假一天)星期三宇正就要自己坐校車返學喇！

希望宇正快D適應喇！