Halloween Party~~~

2012年10月28日  (星期日)

唉....好明顯我今年真係犯太歲....情緒不穩...家宅不寧吖....~.~...居然因為一d好少既事同我daddy炒番天....今云真濕滯.....我的爸爸是一個心思比女人更女人的人....我大膽到居然敢係佢面前發爛，簡直找死！相信嚟緊呢排，我有排受了.....

星期日相約兩個好朋友齊齊參加halloween party，整下棉花糖，玩下遊戲，150蚊一大一小，幾低玩好奈都無同宇正參加過呢d親子活動，都幾好玩！感覺宇正比 以前留心左上堂，但係有我係度都仲會扮野要黐住哂！



等候中.........

有朋友係度特別百厭



材料

宇正的製成品(幾似了怪獸吖....今日個主題係童心戰隊打怪獸

入另一間房整變身腰帶預備打怪獸救巴斯光年同童心兔

 

整作腰帶中......

怪獸房

預備入房打怪獸 (用乒乓波擲怪獸)

打完怪獸就散band了...

想想下....其實我間補習社都可以攪下呢d活動，不過我懶...都係算吧喇~~~

完左party之後上左熙熙屋企玩,等時間到去食<<韓東子>>，6點食....8點就散....韓國米酒的威力真的不同凡响，易入口唔覺唔覺好易醉，我家男主人返到屋企冲完涼9點就同個仔齊齊上床瞓

Disneyland

2012年10月23日 (星期二)

--------------------------------------------
too crazy!!!!忙到個人完全想唔到野，每日放工返到屋企只想hea，希望過左個test學校d功課會正常返dd，真係無時間溫書吖！班死野自己係屋企又唔溫，每日做功課做到7點半，有時仲要OT到8點，今日直頭要8點半先得，救命吖~~~點解教極都係咁架!!!!個人好灰吖~~~~~~(26/10)
--------------------------------------------

講返星期二重陽節，一早約左亞妹同DADDY去DISNEY玩，不過亞妹最後無去(飛機?!)，只有我、老公、DADDY同宇正去，經過上年的經驗，今年10點半就入園，剛好大圍有巴士直到樂園好方便！朝早9點第一班車，一共有三班，約左DADDY8:45係大圍站等，食個早餐就坐車去，9點4開車，10點到達，好快~

買完飛入到去都未開始，不過都有一大班人等開園，聽到一段廣播後，DISNEYLAND正式開始了，感覺好似走鬼咁第一時間走去玩楂車車先，呢個GAME平時閒閒地都要排半粒鐘，跟住就行過隔難玩BUZZ LIGHTER，玩完就走去夢幻世界玩MARRY GO ROUND(真係年紀大了，玩完居然頭暈 =.=)，再去隔離玩WINNIE THE POOL，基本上都唔冼點排隊，玩完呢四樣都係11:30，不過開始攰喇，所以就搵地方休息一下，剛好美女&野獸FOOD COURT剛開，入去涼下冷氣順便食下野先，貴就預左喇，不過D食物質素都OK！就咁三大一小食左400蚊，WOW~~~

之後就走去反斗大本營玩彈弓狗，本來想玩埋降落傘，不過宇正唔敢玩(我問佢玩唔玩，佢抬頭望一望，諗左兩秒，就擰頭喇！WAKAKAKA....)再嚟就去左泰山個邊坐船，呢個排得最奈，成半個鐘

想玩都玩到7788，又走返去夢幻世界想坐低休息時，剛好米奇金像獎開SHOW，之後又走入去坐下休息下，記得上年宇正入場15分鐘就叫走，今年呢？拍哂手跳哂舞直頭想上台同MICKEY載歌載舞見你咁ENJOY，就算洗咁多錢都係值得既！

睇完show，就走去隔離玩small world，靜靜地坐下船睇公仔，我鐘意(又一我老了的証明)相反宇正就唔算好喜歡(因為無佢識既卡通人物)，玩完其實都想走，不過宇正仲記住上年黎坐過火車(有無咁好記性吖？)，所以我地打算還完bb車後就坐，行行下又唔知點解走去食野，食完剛好巡遊開始，宇正騎住膀馬，睇得好開心！完左巡遊，還bb車，之後就坐小火車，4點幾離開！成個人散哂之後坐巴士出去同亞妹dinner，宇正一上到bus就暈左，食完飯就散了！返到屋企仲做緊愛回家，不過真係散哂！不過今次我真係覺得玩盡喇~

老公話下次都係一早去，玩完中午出番東涌食lunch行下休息下，下午再返入園hea玩等煙花，玩盡佢

其實以前都有想過買年票，不過我地呢d working mum邊得閒成日帶佢去吖，我全部都係放公眾假期，買最平個款用唔着，貴個d又買唔落手喎！一年一次到，保持住驚喜喇~

 

宇正三歲了~~

2012年10月21日  (星期日)

不經不覺，我個仔三歲喇~ 撞啱係星期日，所以就約左班朋友夜晚黎我屋企食pizza切蛋糕，興祝一下。就係咁，我同宇正過左一個又開心又傷心的生日了！

點解係又開心又傷心呢？之唔係我呢個百厭仔激到我喊囉！真失禮！宇正都比我媽到飛起！當然，佢都爆喊喇！唉.......

事緣三個小朋友一齊玩走黎走去，宇正以經開始推人，我己經不停叫佢唔好喇！果然熙熙比佢一推，成個撞左落電視地櫃到。好彩的是我個櫃既各包左防撞膠！但是熙熙同宇正相差成3個碼(S碼 VS XL碼)衝力可想而之，見到熙熙喊到收唔到聲，我真係萬分內疚同心痛最激氣就係宇正講極都唔聽，唔認錯！嬲都我震，罵罵下我自己都忍唔住流馬尿好失禮可？ 事件擾攘左差不多成粒鐘，victim瞓着左，宇正比我狠狠教訓左。但我自己既心情未平復，都唔係今日架喇，呢排教仔教到覺得自己好失敗！朋友們都安慰我唔好對宇正太過苛刻！同熙媽樂媽傾左一輪，心放寬了不少，thank you my dearest friends

可能我呢排的心情真的太差了！見到個仔唔聽話，唔係激心咁簡單，係心痛，你話三歲聽唔明大人講咩？唔係完全既，希望今日宇正同我都上左寶貴的一課！

如果唔係發生「推人事件」，今日係完美的一天，下午約左daddy,二姑媽同姑姐(我的)係黃埔食lunch，宇正公公買左個蛋糕同宇正吹蠟燭，之後去左吉之島裡面個dream world 玩，再去食雪糕，細姑婆仲同宇正去左反斗城買左架單車做生日禮物！仲有，工作完老公黎會合我地，同宇正係冒險樂園玩機動遊戲，之後細姑婆車我地返屋企，夜晚就朋友黎我到，有樂樂同熙熙兩個好朋友陪宇正吹蠟燭切蛋糕，Candy姐姐仲訂左個有名的生日蛋糕比宇正，攪咁多野，都係想宇正感受一下自己生日的氣氛，佢大個喇！知道今日係自己生日，成日都好high。

宇正，你知道嗎？有咁多人咁錫你，你真的好幸福，所以你要努力做個乖的小朋友，唔好令錫你的人失望！

班主住的來電

2012年10月19日  (星期四）

diu!!!!又比yahoo食鬼左我篇blog

今日下午５點到，當我對功課對到醉生夢死的時候，電話突然響起：「喂！請問係未方宇正的家長？」當堂呆左一呆，未轉得切channel（即係由一個好兇的補習老師變成一個好溫柔的媽媽）而我班學生就聚精會神偷聽（明聽）我講電話

原來，因為宇正今日係學校去廁所時同小朋友玩，之後自己kick到自己，繼而跌到，無流血無損，係塊豬面紅左d，放心不過老師都叫我留意一下！

之後老師就同我講下宇正在學校的情況喇！比我同爸爸的預期，宇正並唔係太乖架咋，一路以為佢咁細膽，老師叫東，佢就應該唔敢去西！錯哂！

無錯，老師話頭幾個星期都覺得佢比較驚青，但慢慢熟落學校各地方後，開始黎料喇！

聽到依到，我都忍唔住問老師：「咁佢係學校係未好曳呀？」（幾驚架！以我認知宇正應該唔會太曳掛？定係我美化左我個仔呢？你知喇！有時母愛係盲目架嘛）老師話都唔係既，只係係要排隊轉課室上堂時唔跟大隊，自己走左去？（原因一陣再講），而玩遊戲玩玩具時，唔會好似其他小朋友立即去，而係企埋一邊望（以我對佢既了解係觀察）呢種性格係遺傳自佢爸爸，有人做事會有前無後大無畏精神，有人做事會思前想後稔過度過，宇正同佢爸爸係屬於後者，我？唔洗問都知喇

除左以上兩個問題以外，其他都無乜問題，百厭曳野當然有喇，不過老師同我講有時佢曳想話佢，見到佢古靈精怪眼仔碌碌個樣真係鬧佢唔落。吓？！宇正你咁快就馬掂老師喇！勁我只能同老師講，佢唔乖你就話佢喇！嚴d都唔打緊架


另外，老師同我講依家就算唔係教宇正的老師都識宇正喇，唔至，仲有修女呀，校工ee，奈唔史都會走黎搵宇正！why???首先，有見過宇正的人都知道佢冧大人有一手，所以討得好多長輩都好鍚佢。老師同我講佢唔跟隊走，係走左去搵隔離班老師玩(唔係搵小朋友玩，而係搵老師玩！問你死未)又成日去搵修女玩，又氹下校工ee，就係唔跟住自己班主任(激死)，老師同我講，差不全校的老師修女校工ee都識宇正，因為佢全校滿場飛！離隊係唔啱行為，但佢又會用佢可愛的外表去俘擄你的心。相信不久的將來，宇正係可以成功冧哂學校裡既大人

暫時情況就是這樣，希望佢除左冧老師，守規矩方面可以改善一下！