得閒放下宇正學畫嘅作品係度先，不經不覺，宇正學左2個月畫啦，究竟3歲嘅小朋友畫到d咩呢？有好幾個朋友都覺得d畫唔係宇正畫嘅，邊會咁靚吖？其實我都覺，不過宇正上得開心，而佢認顏色方面又叻左，近來有次係紙到畫到個圓圈人樣出嚟，對我嚟講就足夠了！興趣班，重要的是有興趣先嘛！right？！
畫室時不時都會攪d特別班做promote，呢排新年就到，就開左個小舞獅製作班，60蚊堂，所以星期四上完畫班，星期五又上啦，如常10點半上堂，送左宇正上堂後返屋企做埋d家務再接佢，1個鐘剛剛好！就係今日接放學時發生左一個小意外，諗返起都覺得宇正幾無辜。
當我去到接宇正放學時，老師發現門口個鎖爛左，整左一陣都開唔到個門，開始心急，有d嬲嬲地問邊個小朋友玩門呀？我都有隔住個玻璃門問宇正（因為之前佢都有多手推開個門），佢話無，之後一齊上畫班個大小小嘅哥哥同我講係宇正吖！其實我當時都未信，你知啦，小朋友講嘅唔可以作準住，大家睇事情嘅觀點唔同，宇正做錯時嘅反應我都仲睇得出，所以我都仲係Q and A，雖然個哥哥一口咬定係宇正整爛！
就係老師好努力試開到門時，另外一個老師就話「一定係你啦！頭先你成日玩門！」噢！連大人都咁講，我當然信啦！我開始火火地，用大聲嘅語氣啦！攪左一陣門開到啦，我就開始鬧，鬧左幾句，有位工人姐hold住我，原來係另外一位小朋友，個下我真係嚟唔切反應囉！
當然我宇正手多，之前都有推開個門，係會令人懷疑，我亦都覺自己處理得唔好，因為怕個仔失禮人，未了解好件事就同其他人一樣，育兒大錯！
之後我點做？鬧都鬧左，唯有話反比宇正知因為佢之前成日無問過老師就開門推門，所以媽咪未以為係佢囉！如果佢玩門就會好似頭先咁開唔到門，媽咪接唔到你㗎啦！諗返起宇正當時眼濕濕個樣，心痛囉！個下嬲自己做乜唔信個仔，亦嬲當然班老師個個矛頭指向宇正！（你話我怪獸都係咁話㗎啦！）
如果唔係個工人姐姐講出真相，宇正實超慘，最慘就係無做過比媽媽鬧爆，個人覺得，其他人唔信都算，連自己呀媽都唔信自己，幾慘吖！
可能大家會覺得我想多左！今晚接宇正亦見佢無咩事，但呢件事提醒左我自己，任何事都先了解清楚先，就算有大人話係，都要睇定d先！
今晚同宇正爸爸講完呢件事後，再回想起成件事，先發覺自己有幾嬲，自己固然嬲自己，亦怪點解老師要一口咬定係宇正呢！係因為同班個位K2哥哥話係？想返起有位呀姐級老師講嘢好衰囉：「一定係你啦！成日玩門！」如果唔係你呢句，我諗我當時無咁火，個下我唔記得問，我個仔上堂時成日玩門？點解無人話佢？定係佢話唔聽？如果係呢位吖姐教我個仔畫畫，我停左9世！！！
呻完！宇正爸爸淨係講左句：「未咪學囉！」咁又唔好，老實講，呢d事我相信未來呢357年都有機會發生，人地點睇我個仔，我真係控制唔到，無可能個個都咁錫宇正，宇正亦都唔算係乖巧嘅小朋友，老實講應該話係都幾百厭！老屈呢d事一定會再發生，我自己細個都遇唔少，成長的必經階段。
只要宇正係喜歡上就ok啦！
要學習的反而係我呢個做呀媽嘅，我要調整自己對宇正的態度，小朋友都有「樽鹽」，而家雖然仲細，但如果令佢覺得呀媽唔信佢，以後都唔同我講真話心事就大件事啦！
越嚟越覺得，呀媽唔易做吖
不過要約齊咁多個family實在是有點難度，所以最後都要delate，唔怕，有心唔怕遲
，四位媽媽都各自預備左嘢（家希媽咪和jacki媽咪各自預備左小禮物，澄媽買左蛋糕，靖恩媽預備飲品和餐具），而我地只得6梳蕉，失禮了！
