係味好理論，好學術呢！點解Katherine mama突然會拋書包（笑），其實是因為近來幫宇正揾課外活動，希望可以幫到佢係學校的學習，記得K1學期尾家長日，老師同宇正爸爸講，K2的老師會嚴謹好多，要我地多多留意宇正的功課，唉！因為宇正做功課唔靚，老師2次家長日都講過啦！填色，筆畫，線條，好求其！又因為幼稚園係比較傳統的學校，呢類功課都比較多，暑假直頭成疊比你 ＞＜
我同爸爸都覺得，再咁落去，宇正實比老師媽叉到飛起，所以要諗諗計啦！
之前以為佢手眼唔協調，8月報左乒乓球，但想深一層，如果真係手眼唔協調玩ipad d game又點會咁叻呢！（wakakakaka）
唔學乒乓球，又要諗下有咩比佢學，好奈之前宇正已經話想學琴，不過未夠年齡學，而家差不多4歲，應該可以了，本來想比佢先返小組個d班，不過誤打誤撞，比我係屋企附近揾到間勁野，由小組，變成而家1對1，一定有人想問我，咁味好悶囉？開頭我都有呢個想法架，不過見完呢間中心的總監後，同意佢嘅理論。佢話好似宇正呢類難專心嘅小朋友，如果小組學琴的話，係好難專心的，加上，1對1其實好睇個老師點教，佢有辦法嘅話，9個字嘅堂其實係無問題！好！就報一個月試下，睇下點先！另外，總監推介我上佢地一個叫tailor-made programme，一對三小組，針對個別小朋友來訂製課程內容，嘩，好似好強勁咁！
首先講返宇正第一堂學琴的情況先，中心安排宇正星期五朝早10：05上堂，咁啱呢日baba off，所以就一齊送宇正上堂啦！送左宇正入課室，我快快趣返屋企做家務再返去接宇正，早少少上到去，聽到老師教緊CDE三個音係邊：）（其實mama都有4級鋼琴低子，不過實在太懶了！到初中都未升到上去，所以放棄了＞＜）問一下counter姨姨，點解收的學費同單張上有d唔同，原來揾左個幼稚園退休校長嚟教宇正，所以學費貴左！咁比力吖！baba話呢個價錢合理喎！咁你話ok就ok啦！最重要係宇正keep到想學！
放學時老師交帶幾句學過咩，就say goodbye啦！baba第一時間問宇正上堂開心嘛！佢無好大反應話開心，不過都無抗拒，有待觀察！誰不知個日學校放學嫲嫲接宇正時，宇正同嫲嫲講佢好鐘意學琴，夜晚交收時奶奶就同我講（因為我無同佢講開始比宇正學琴，所以佢就問我咩事啦）希望你揾到自己嘅興趣啦！
星期六下午，就約左去另一分校見老師，因為呢個中心收生前都要先同學生做評估，睇下佢適合去邊班，用咩教學方法！感覺幾專業：）約左3：30見老師，中午去左公公到食lunch，之後再去，早左10分鐘到，等等下，宇正開始緊張（我呢隻仔唔係太等得，等得奈小小會胡思亂想）到老師出嚟時，居然喊晒口唔肯自己入去，唯有同佢一齊入課室先，等佢冷靜落嚟，再借尿循XD！因為放哂d嘢係課室，所以偷影唔到（課室外一扇窗可偷望XD）
見老師用唔同嘅玩具同宇正一齊玩，主要係車類，將架車拆散哂，要宇正step -by -step砌好，一架係私家車，一架係火車，之後就就攞本故事書出嚟同宇正睇，20分鐘後，就叫返我入來，開始傾計啦！發現老師講嘢好到point，一般嚟講，見到宇正or教宇正的人都只係話佢做野無心機，不過呢位老師就提出其實宇正係心急，同埋對要一步步來的功夫方面較弱，因為佢直接就想跳去result，過程就會亂來，所以就會亂，錯，wow！總之就唔係手眼唔協調同小肌肉未得！終於可以對正下藥了！只要train返佢呢part，其實寫字都會改善到！
當然，mama我並唔係無做功課，比我發現有個 ebook apps講嘅嘢，同老師講嘅不謀而合
做完問卷後發現宇正係動覺型學習的小朋友，即係大家眼中的百厭星！（XD）
老師想宇正先上幾堂1對1，等佢適應好，程度ok就join佢小組，佢話上3堂到就應該跟返上進度啦！
宇正由喊住口入去，到笑哂出來，問佢下星期再嚟好無，即話好（仲要連續幾聲好）wakakaka，緊好啦！咁多玩具比你玩，仲要老師1對1陪你。希望你係遊戲中學習，見到成效啦！
學校website： http://rebeccaacademyhk.com/profile2_2.asp
)
)
