回憶錄~大肚

因為無意中睇到一d好正嘅親子育兒blog激起我再次寫blog的衝動，正式開始寫的時候，宇正都差不多6個月大lu！其實由大肚到宇正出世都有好多事值得記下來，不過現在印象都是有點模糊。找來幾張大肚時影嘅相，看圖作文喇~

記得知道自己有左嘅時候大概係09年2月尾到，和老公相識到現在10年，大家都有默契想結婚後有bb，不過就唔係太積極"做人"，個時同幾個朋底嘅幾pair couples 都在討論想幾時有，就係討論期間，我就發現中左喇~10個月大肚歷程展開喇~~~

記得開始的時候駄b得唔穩，有好幾次作小產，每次都極擔心......

第一次係半夜12點幾流血，個時即刻去威醫check，等唔切第2朝先有得照超聲波，簽紙出院去左仁安照，連call醫生最後三千銀落樓，最後check到無事，不過就留係屋企休息左5日先返工。

第二次係返返下工又流血，今次直接飛的去仁安，無事，本來醫生叫留院觀察，不過我到係留係屋企休息左5 day。

中間仲有時因為有小小留血去公司樓下診所check，總之，頭個5個月都馱得唔穩，個時真係好擔心，又無經驗wow~~

到左check唐氏同結構性時，又擔心一大輪~~不過好在，有驚無險，宇正係我個肚住左10個月，準時出世喇~~~~今次講住咁多，有時間再記低生仔過程！都幾精采架~

大約4個月到

呢個係09年7月21日，我生日，個時係7個月

呢個7月31日，7個幾月喇~

個時我睇嘅醫生，唔錯架~

busy weedend~

又一個busy weedend喇~~

這兩天好多事做，首先星期六一早要帶宇正整回港証，下午就好整回鄉証，本來想整埋特區護照，不過係網上booking時忘記了book埋，所以遲d先攪啦！

整回港記可以即日攞，宇正ba知道我好想親自去澳門拜宇正婆婆，所以就提議星期日去澳門走一轉啦。

星期日早上餵完奶奶，拾好東西，約妹妹11點半係信德集合出發，同宇正嚟第一次長徵，係船到，宇正都算合作，唔算太扭計，因為怕佢暈船浪，所以等到埗先餵奶，跟住先等的去氹仔揾uncle，探望一下，宇正和宇正ba就係uncle家等我和妹妹，我們去拜完媽媽先回來。待到4點多餵完奶就告別uncle，有坐的去碼頭回香港去，差不多7點回到家裡。

雖然好累，不過宇正這兩天去街街都表現得好興奮，所以幾辛苦都值得嘅！

謝謝宇正ba肯陪我去澳門，因為要攞好多嘢，謝謝宇正的合作，令babamama唔算辛苦，謝謝妹妹幫手娛樂宇正。

早上放奶時間

等call的~~~

自娛中~~~

等上船~~~

ee~~~~

happy~~~~

宇正玩ee的眼鏡(平光鏡嚟架)

好趣怪~~~

儲蓄好心情

文章日期：05/06/2010 03:08 am 作為一個新手媽媽,實在是太多東西要學,看到寶寶一天天的長大,就發覺所學的不夠快,不過無論怎樣,做為一個好媽媽首要的條件就是愛,雖然有人會說做媽媽的怎會不愛自己的小孩?但是媽媽也是普通人,也會遇上壓力和不快的時候,問題就是當遇到的時候怎樣處理呢? 現在我要學的就是這個吧! 心情好的時候,當然做甚麼都會稱心如意,但當心情不好時, 所有事情都只會向壞方面想,所以當心情好的時候,牢牢記住所 有美好的人和事,留待不如意時用。

繼續痴媽b

唉！今日亞仔又喊到嘔奶奶啦！何必呢~~~何必呢~~~呀媽都只不過去沖涼咋，一星期過去，明天星期六好忙，一早要出門。都係早d瞓著數~~~

放幾張宇正未滿月時嘅相先，宇正剛出世時個樣好佬，一睇就知道係男仔。d表情仲好hills添！

痴媽b?

宇正呢幾日，非常痴身，之前係上午做家務時，可以自己係床仔玩，現家no-way，喊嘅level簡直驚天地泣鬼神。到左晚上更是升呢！

本來宇正咁痴我，我係幾開心嘅，不過真係唔好喊到嘔奶囉！我都只不過去刷牙姐！唔好咁激好唔好？

今日晚上去左九龍城黃珍珍晚飯，同黎氏family 、契爺契媽一齊gethering一下。收工後速返屋企執嘢再上嫲嫲樹接埋宇正b出發。

黃珍珍d嘢食唔錯，不過就太多味精，事關返到屋企狂灌水！

好明天再同黎氏family gethering，不過地點改為我地屋企樓下酒樓。今晚太累啦！睡覺去~~~zZzZz

自得其樂

文樂B嘅眼神好淩厲

心野

好多晚瞓得唔好喇我 心緒不靈，宇正的病情一直都有好轉，抖氣聲巳經無左，不過就有啖聲，間唔史有D咳聲。不過天氣實在反差太大，呢兩日宇正好似有D鼻水 唉！

宇正出世的時候7磅8安士，現在已經有21磅lu~~未滿月就飲到5安奶奶，不過就一直到而家都仲係5安，last個餐奶奶有時就飲到6-7安。不過近來唔知係咪食得多副食品多，之前10分鐘K.O.5安奶，現家就要半鐘~~九個字！簡直~~~~OH MY GOD！ 

而宇正B近來晚上係屋企做左痴媽B，唔肯離身。宇正BA仲串我話你怕BB唔痴你嘛！宇正知道你心思，成全你呢！ 唉！我係想宇正痴我，但係我都要休息架嘛！

宇正B你要公平D呀，BABA都要痴下，咁先至係乖仔嚟加架嘛！最好就係一人一半時間啦！

不過其實自從宇正出世，宇正BA每天都好像十分缺睡，我仲發覺宇正BA病多左！成日叫佢早D瞓又話唔駛，真係令人擔心！

而我，唉，我諗我要等宇正再大D要TONE好個身理時鐘，我唔似宇正BA咁可以咁快着左，好似呢幾晚咁，明明好累，但又唔係太願瞓，成日都比宇正BA話。

睇怕心野呢個格宇正到係似我！

宇正每月照片

我發覺宇正每個月個樣都唔同呢

近照~