好奈無寫blog了！其實好幾次都想放棄，因為時間實在是不夠用，晚上都想做d唔用腦嘅事，煲劇吖，打機吖！
身邊好多blog友都轉用facebook打blog了！但分類始終無blog咁好，加上，要另外開一個專頁，upload資料好似麻煩d（其實無研究過:-)）
宇正4歲，開始好有自己的想法，仲好有脾氣，而近來，係教養上，Katherine媽媽好煩惱呢，應該點講好呢？總之，就唔想出席d人多嘅活動，最慘的就是年尾宇正爸爸忙到成個月都無假放，家庭活動就只有Katherine媽媽自己帶住宇正，小朋友嘛，百厭多手實有，我家小孩多手八卦的本領很高，可以用的方法都試過，或者，問題係出於我自己身上，點解我仲要介意其他人的說話呢？？
問題係，好多時宇正的表現，我知佢出發點係邊架，點解我一聽人地話宇正，我就鬧左先呢？
寫到呢度，我知道自己問題出係邊到了！我的問題就係好怕人地話我唔識教仔，我又再一次走入死胡同！
多手，出望好奇，行街周圍摸，表現4歲小孩應有的好奇心，應該要教的是怎麼正確的探索，不要有破壞性的！
身邊的大人能做好，孩子才能跟着做好！
靜心思考過後總能得到結論！
加油吧！自己！
