因為各種因素，宇正呢暑假大部份日子都會跟我返補習社，而每日我都規定佢要同其他人一樣上2個鐘堂，有時會係我課室，有時係candy姐姐到，希望可以訓練一下佢嘅耐性。
7月開始放假，跟左差不多2個星期，暑期作業做好，而家每日主要溫返K2學過d野，係香港讀書，無辦法，早d習慣一下個模式，上小學時快d習慣，套用宇正爸爸的話「佢唔好彩有個阿媽係做補習」wkakakaka XD
其實我預左佢唔like跟我返工，不過當我問佢鐘意嫲嫲湊定我湊，佢二話不說好肯定咁答我：「嫲嫲！」時，個下都幾hurt！ 但我又明喎，嫲嫲陪玩服務十分周到，我係宇正都揀嫲嫲啦！之不過現實就係咁殘酷，認命啦仔！wakakakaka，你既優質少爺生活就快完結了，慢慢比你習慣，好過到時候180度轉變，你仲甘呀！
小朋友大得快，雖然好懷念宇正baby時cute cute，不過老實講我個人比較喜歡而家呢個階段，雖則係百厭d，但窩心既時候都好多！
有小朋友後，越來越覺得為人父母真不易，真係永遠都唔會ready好做爸媽架，唯有的就係邊做邊學！
突然好感觸，可能因為7月的關係吧！
沒有留言:
張貼留言