電腦尚未修理好,發現自己都係喜歡用電腦打blog多d,雖然用ipad打字都快,不過硬係唔啱feel

呢兩個星期我同宇正都病倒了,正確嚟講係我野到宇正

而我都睇左兩次醫生,都好得7788,病一病,睇醫生都睇窮人

呢排返工每日都教到我半死咁濟!完全唔明白點解可以咁,做做下功課都可以走去畫公仔!每日搏鬥4個鐘都係未做得完d功課,真係大家都辛苦,唉!希望在明天吧!
只期望我有多點愛去包容,好好咁教化佢地!
呢兩個星期感覺好似打仗咁,每日收工都趕返屋企接仔,返到屋企仲要跟宇正d功課,好在K1得兩頁,好快做完,之後沖完涼,坐一陣飲完奶就瞓,有時沖完涼攰行濟未飲奶就瞓左,宇正瞓左,好多時都仲有家務未做好,洗衫涼衫熨校服,加上老公呢排OT成日夜返,一個湊住個仔又做家務,其實有時都幾攰,當然好多人都羨慕我返parttime job半日好soft,未洗湊仔時其實都幾ok,但屋企多一個小朋友,並唔係多一個人的功夫要做,家務係倍增的!所以媽媽係無本錢病的,暈住都係要做!一句講哂,你睇我好,我睇你好啦!
最慘就係野到小朋友,真係瞓都無覺好瞓,成晚就check住佢體溫。好彩的是老公無比我感染,不過佢呢排真係OTO到暈,早出晚歸,所以屋企野都唔好太煩佢!
所以電腦壞左,就停下當比自己休息下!
Blog,係會繼續的!等我 :)