電腦尚未修理好，發現自己都係喜歡用電腦打blog多d，雖然用ipad打字都快，不過硬係唔啱feel
呢兩個星期我同宇正都病倒了，正確嚟講係我野到宇正
，上星期三，宇正仲因為發燒要早退，朝早起身見佢有兩聲咳，點知返學校無奈老師就打嚟話佢發燒，因為醫生收下午，所以叫奶奶比住退燒藥佢食，第二朝就同佢掛號，睇完醫生之後都斷斷續續發燒，因為喉嚨發炎，剛好星期四五唔洗返學，休息左幾日，星期六總算退左燒，不過就仲有咳同鼻水未清得哂！而我都睇左兩次醫生，都好得7788，病一病，睇醫生都睇窮人
不過無計啦！不停交叉感染仲死！呢排返工每日都教到我半死咁濟！完全唔明白點解可以咁，做做下功課都可以走去畫公仔！每日搏鬥4個鐘都係未做得完d功課，真係大家都辛苦，唉！希望在明天吧！
只期望我有多點愛去包容，好好咁教化佢地！
呢兩個星期感覺好似打仗咁，每日收工都趕返屋企接仔，返到屋企仲要跟宇正d功課，好在K1得兩頁，好快做完，之後沖完涼，坐一陣飲完奶就瞓，有時沖完涼攰行濟未飲奶就瞓左，宇正瞓左，好多時都仲有家務未做好，洗衫涼衫熨校服，加上老公呢排OT成日夜返，一個湊住個仔又做家務，其實有時都幾攰，當然好多人都羨慕我返parttime job半日好soft，未洗湊仔時其實都幾ok，但屋企多一個小朋友，並唔係多一個人的功夫要做，家務係倍增的！所以媽媽係無本錢病的，暈住都係要做！一句講哂，你睇我好，我睇你好啦！
最慘就係野到小朋友，真係瞓都無覺好瞓，成晚就check住佢體溫。好彩的是老公無比我感染，不過佢呢排真係OTO到暈，早出晚歸，所以屋企野都唔好太煩佢！
所以電腦壞左，就停下當比自己休息下！
Blog，係會繼續的！等我 ：）
沒有留言:
張貼留言