忙碌但開心

10月開始
一個PARTNER退股
得兩個教班
不過剛好EE完成了舞台劇
暫時有D時間
所以就拉左EE黎幫手

估唔到
10月一收就收到5個新生
剛開始的時候真的有點手忙腳亂
不過經過一個多星期的調整
越黎越順暢

現在的一年級
寫得齊手冊
開始唔太似舊雲
呢樣真的要歸功於EE的細心教導

記得當初生左宇正B的時候
一度唔想做
好想一天24小時都對住個仔
不過經過多番思量
和不捨得多年的心血
最後都繼續努力

補習呢個行業
係要有愛心
和有職業導德的先可以
一直都有一個心態
家長放小朋友黎比我地教
就要盡力盡心教好
唔係收左錢就得
無心教
唔會長久
更加唔會keep到學生

做左媽媽級後
更明白家長的感受
唔係一句一代不如一代就可以說過就算
雖然佢地唔係我d仔仔女女
好多時候我都會講留番d氣教自己個仔好過
不過黎得我補習社
教到我一定教
呢個亦都係Katherine媽媽一直的原則

當然教左咁多年
咩火都收哂喇
遇到幾頑劣嘅學生
都無以前咁火喇
當然有時都會罵
不過同以前相比
真的小巫見大巫