十六個月喇~~~!!!!

2011年2月21日 (星期一)

宇正b十六個月大喇~~~
yeah~~!!!!
做個小記錄先~

高: 大約90cm (因為衫要買90碼)

重: 大約29磅 (抱同孭都好辛苦吖)

食: 都係3餐奶,2餐粥再+小食 (下午有時無飲奶就食包)
食量理想,不過就係有時玩野唔太喜歡食粥,唔食既時用手划d粥出黎...成手都係....有時仲要比你食添...死激!

睡: 近排聽嫲嫲講下午訓得都唔錯...有連續訓到一個鐘...有時仲訓到兩個鐘添 (不過係加埋)...夜晚就11點同佢上床...不過都係要扭到12點到先訓着(除非個日超攰)...着左後大約半小時後一定要醒一醒喊下...再呵返先訓返.....

講:  爸爸,媽媽,奶奶,mum mum,爺爺都識叫...不過就仲係好喜歡叫我爸爸....明明識叫都係要叫我做爸爸....

動: 識行但都係未穩...仲未識無野扶自己企起身...點頭...擰頭都識...你問親佢"唔扭計好無?"佢實擰頭...笑死人....

~大致上報告完畢~

希望越黎越進步喇~~~不過都係個句...健健康康最緊要~~~


<<我要飲奶喇~pls~>>