自湊兩天 (有video睇吖!!!)

2011年2月2日  (星期四)

教班咁奈都真係未試過因為停電要停課

明天星期五因為大廈電力裝置檢查

所以要停課一天

無乜幾何星期五唔洗番工

不過撞啱老公星期四,五.六都要開工

有工開係好事

無計喇

星期五,六兩天自湊喇

有打算搵下朋友

不過帶住宇正其實可以去既地方唔多

加上其實我係有自閉因子

好懶搵朋友

都係同宇正二人世界算喇

未想到聽日同宇正去邊到玩

睇下聽日天氣如何喇


好奈無開一本新書睇啦

早幾日係電腦睇左電影版

想起上年 (無錯!!!!係上年!!!)

問亞妹借左本書

都係睇書正好多

幾兩日一有時間就睇

坐車時...等車時...係茶餐廳等飯時....

爭取時間...

兩日睇左一半

不過係快睇

如果好喜歡的話我會再慢煲一次

屋企套harry potter 比我煲左5,6次

緊係啦!!加埋成千幾蚊要睇多幾次先抵架嘛

不過其實都好奈無買書喇

屋企唔多位

之前要放宇正d野唔要左一大堆書

如果唔係我真係好喜歡買書睇架

當然現在有ebook其實好方便

不過睇書我都係喜歡有本實物揭揭下

遲d屋企附近會起新圖書館

到時間可以去借書喇

yeah~~

老公話佢到時將會申請佢人生第一張圖書証

好奈無upload 片係blog到啦

其實宇正依家講野叻左好多

記性好好

教過幾次就記到大概內容

呢首童謠早幾個月我仲係一個一個字教佢唱

唔知幾時佢自己記到8成喇

不過一d長句子仲係記唔到

但我都覺得好叻喇