Party X 3

2011年12月30日 (星期五)

 

*******************************************************************
過埋明天...就是新的一年了...

要快手寫埋呢篇blog就收爐

明年再見了

今個除夕會係祖國度過

因為我們一家三口要出席宇正叔叔的wedding dinner again!

唔講都唔知道  原來就算是女家那邊宴客

都會有一圍for男家架

******************************************************************

今個Christmas節目好豐富吖~~

連玩3日

25, 26 ,27號 分別去左熙家和樂家

最後一日就去我到

不過係最後一日有d事令我好唔開心

好少有事會令我唔開心過2日

 but anyway  事情過去了

新的一年更美好吧~~

******************************************************************

2011年收到一個令人好開心  好興奮的消息

2011年最後一個工作天收到一個家長電話停補   (又係之前粒聲唔出個隻,討厭!!!)

這就是人生

有開心  有唔開心~

2012年  keep on

work hard !!!!play hard!!!! ^^

熱鬧和溫馨的平安夜

2011年12月24日 (星期六)



今年的平安夜應該是我29年來最攰同忙既一次

呢日是宇正叔叔的大喜日子

要一朝早就起身預備

因為老公要一早幫手

呢日宇正都有任務在身呢

就係係當晚做花仔喇


因為宇正個日下午無訓到

其實好不在狀態

不過到最後都可以完成任務

叻仔

當晚宇正要到1點先可正式落床覺豬

即是0700 -0100

mami真的覺得你好乖

雖然你全晚都不停要搵忙爆的papa

不過知道你真的好攰

少少扭計在所難免

希望你一路都要乖

唔好令媽媽發皮四 XD

有D唔知想講咩

ANYWAY

希望宇正知道媽媽是真心為他好

唔想佢被縱壞

所以先唔比佢做呢樣做個樣

個心想到呢度又有D唔高興添?!

HEY!!

呢D都係無聊事

做好自己就得喇

最緊要都係老公錫!!!

哼!!!

感覺到老公個晚都好開心

男人嘛

唔會將FEELING講/做出黎

BUSY 又溫馨的 平安夜完滿了~~~

呢幾日公眾假期要家人朋友開開心心的度過~＾＾

First time to disney~

2011年12月17日  (星期六)







自從發覺宇正喜歡mickey mouse之後

一路都想帶佢去香港廸士尼行下

不過又怕宇正呢個細膽仔乜都怕浪費

終於同老公取得共識等宇正2歲去一次試下

今次仲有阿妹行

今次志在行下睇下

玩唔玩到野無乜所謂

輕輕輕鬆鬆一天遊

宇正玩過d乜??

 1/3 場 3D電影  (音樂一開始大聲就攬實我  最後由爸爸先抱離場)

 小火車 一次    (呢個可以坐全程因為的確淨係坐火車ONLY )





2/3 場 米奇金像獎  (開頭幾ENJOY 歌唱跳舞 但後期花木蘭個PART 開始嘈又攬實左)

其實好想比佢玩下揸車不過要排成60分鐘

另外想玩的是小小世界 不過見天黑大家又有少少攰所以無玩

嗯......

其實我覺得係揀錯時間去

因為呢日宇正朝早要返PLAYGROUP

一定喊到攰



不在狀態

問佢乜都SAY NO

阿妹話下就時間叫埋DADDY再去過

都好

希望下次宇正玩得開心D喇

本來打算試下睇埋煙花

不過大家都攰攰所以8點幾就走喇

老公話等遲D再去

等宇正大D要買年票都未定喇

都係既

如果宇正玩得開心

有錢都會帶佢去玩

不過在我感覺

暫時宇正仲未識ENJOY

因為佢都係好怕嘈

呢D地方少不免人聲嘈雜

不過當有坐小火車時見到MINNIE時

佢係咁同MNNIE say hello

仲飛埋吻



呢下都抵番喇

你快樂所以我快愛樂
 

禮物 X 2

2011年12月16日  (星期五)

早係上幾個星期收到PR姐姐邀請試用兩款產品

啱哂呢個冬天用呢

多謝PR姐姐的細心

今日收工作返到屋企就收到啦

第一款係我稱之為

懶人之選   ---   Bifesta速效卸妝潔膚水

點解咁講呢?

COPY下D資料比大家參考先

*************************************************************************

全新卸妝體驗由Bifesta開始

Bifesta高效眼部卸妝液、Bifesta全效保濕卸妝液不但以「水」的強效潔淨力徹底卸除妝容，
同時滋潤鎖水，而Bifesta速效卸妝潔膚水用後更無須過水，集合卸妝、潔面及護膚三大功能，
帶給妳一take過卸妝新享受。

一個步驟三大功能

Bifesta速效卸妝潔膚水系列含保濕潔淨因子，能夠溫和並迅速地使毛孔深處的化妝品浮出表面，
徹底潔淨，而且集卸妝、潔膚、化妝水三合一，100%不含油份，用後無須過水，只須一個步驟，卸妝從此變得簡單方便。
全新系列均蘊含透明質酸，滋潤鎖水，用後肌膚不會感覺黏膩或乾燥。
Bifesta速效卸妝潔膚水有清爽型、亮白型及緊緻型，必定能夠滿足妳不同膚質的需要。
無香料、無添加色素、無防腐劑、無酒精成分，並通過皮膚過敏測試，性質溫和，呵護肌膚。

**********************************************************************

我收到呢支係緊緻型    (HK$59 / 300ml)

其實我自己一向都有用呢個牌子潔膚水

不過就用開清爽型

我貪佢大大支好抵用

又可以一支攪掂

平日出街前我都會搽BB CREAM 先出門口

等D膚色唔係太難睇  

夜晚番到屋企又懶落妝

呢支就方便我呢D懶人喇

最重要係我呢D敏感皮膚都可以用

唔錯!!

-------------------------------------------------------------------------

今次收到既兩款產品真係好啱用

因為咁啱都係自己用開的

一路都用緊

可以唔洗試就可以寫 BLOG啦  (WAHAHAHA.....)

另一款係我推介比各位媽媽既

冬天天氣乾燥

宇正塊面成日都好似紅蘋果咁

可愛係可愛

不過爆拆好痛架嘛!!!

之前用緊個支AI CREAM好似唔係太夠閠

所以就去萬寧睇下有無CREAM啱用喇

比我見到呢個

比佢個樣吸引到

仔細研究一下佢個成分

OK喎....藥用即係敏感性肌膚都用得

價錢好抵 $55

買返黎試下先

開左個蓋聞下

真係無香味喎

用完個面無咁蘋果

不過要搽厚少少先得

但呢個價錢抵用喇

呢個CREAM係我自己係萬寧買既

而收到PR姐姐的禮物是呢個

同一個品牌的LIP Balm

可以比宇正用

good~~

等我又post D 資料比大家參考先

********************************************************************

Fueki好朋友馬油透明質酸護唇霜

採用高效天然成分，有效提升咀唇滋潤度，時刻保護你的細嫩雙唇。

成份：

＊　馬油：補充雙唇油脂，令咀唇長效滋潤

＊　乳木果油：能夠長期停留在皮膚的表面形成保護層，令雙唇充滿彈力

＊　透明質酸：強效保濕鎖水功效，更有助修復乾燥雙唇

售價 ：HK$65 / 6g

售賣點 ：city’super、Log-on 及 千色Citistore

**********************************************************

多謝PR姐姐的禮物~

我的2011小總結

2011年12月14日 (星期五)




********************************

如常的夜晚在網絡上暢遊

看到yahoo的徵blog

題材是寫2011回顧

可以是新聞 可以是日常的事

 Katherine媽媽對新聞唔係太關注

所以都係寫下自己的事吧

為自己又可作一個小總結

********************************

常言道: 「知足常樂」

所以我其實大多數時間都是實行着呢個宗旨做人

如果唔係我應該會比壓力壓死了

呢年受到的經濟壓力真的不少

就是這樣 我學會了更多的忍耐  更多的愛去面對一時的困境

當我感覺到自己無助時

我會想到自己所擁有的

有愛我的家人  有可愛的兒子  有知心的朋友

人生並不是只有金錢的

何況這些都只是暫時的

希望總是在明天啊！

想到這裡  心情就會舒坦了一些

********************************
2011年 在工作上遇到了不少難關

曾經一度  覺得不能再維持下去了

覺得自己無能力再教好學生

所幸身邊仍然有好拍檔一起和我努力

要成為朋友已經不易

還要一起建立事業更不易

感謝你的包容

現在危機總算過了

2012我們再一起加油吧!!

********************************
2011年成為媽媽的第二年

有好多事仍要努力

EQ仍然不夠

宇正真的長大了

我更要做一個好榜樣給他去學習

因為我知道小孩就是父母的倒模

看到他不好時

就是看到了自己的缺點

********************************
我知道我老公無乜點睇我呢個BLOG

但是我都想係度講2011年你都辛苦喇

你受幾多  我會陪你一齊受

好想套視后的一段話:

「我知道我好難頂

   但你都唔野少
  
   希望我地可以一直互相頂落去喇！」


這就是我的2011

2012 KEEP GOING~~~~

港島樂悠悠

2011年12月11日  (星期日)

係我地住既屋苑周不時都會舉辦一日遊

比住客參加

不過今次都係第一次參加

因為計落真係幾抵玩

車錢時間都有賺

不過就要早d起身

旅行團嘛

8點45分係屋企樓下集合

9點出車 逾時不候

大家都幾準時

一共有6大架旅遊巴士

勁吖!!!

今日行程是: 

鰂魚涌公園(滅火輪)  ---->海防博物館 ---->午餐 ---->赤柱

其實我稔第時宇正讀都會去呢d地方參觀

不過呢 d唔係重點

join呢個tour係想去赤柱行下

因為要自己坐車去真係好麻煩

4點半返到屋企

呢下真係最正

下次有既都可以去join下

其實香港都有好多地方可以玩

我想呢d就係有左小朋友心態上的不同

幾攰都好

見到有地方可以帶宇正玩下見識下

都會想帶佢去

就好似細個時daddy一放假

就會帶我同亞妹行太平山咁

呢度去  個度去

美好的童年回憶

唔一定要行商場

買玩具架

------------
photos
------------

 

 

 

 

 

 

 

 

Toddler's Wonderland + 意外

2011年12月10日  (星期六)

好寒冷的一天吖~

所以宇正訓到我叫佢都唔願醒

差少少就遲到喇

去到第二堂

果然...宇正知道發生咩事喇

去到換鞋時就開始不安

叫住「媽咪走!」  (佢既意思係叫我帶佢走)

當我remind佢要自己一個上堂喇

仲想想地喊添

呢個時候  係度佈置緊聖誕裝飾既校長 Miss Iris  又出場喇

當校長抱走宇正時

個下宇正爆發了!!!

"媽"聲四起  (係度叫媽咪)

灑脫的我 又走了 

都預左佢會喊喇  不過呢個係一個training

早d比佢知道係要自己上堂

到第時上K1希望會好D啦

1小時15分鐘後

約埋老公接宇正

去到課室見到宇正

咦?!點解會換左套校服既?!

原來....宇正又嘔了...今次嘔到件衫

所以老師就同佢換左套衫

宇正的第一次着校服

估唔到係呢個情況下

WAHAHAHHA....

今次接放學宇正見到我同爸爸

仲喊得好淒涼吖

真係我見尤憐吖  

中午同爺爺麻麻飲茶

跟住係屋企樓下同宇正剪個髮

今次係宇正第1次係街剪頭髮呢

不過其實只係剪左2/3

因為去到尾宇正唔係太喜歡D頭髮拮住要走

個人認為係唔剪好過剪

剪左個"亞旺"頭  (我自己都識剪喇... ><")

我稔都係去一D專幫小朋友剪頭髮既SALON會唔會好D呢????

唔理住喇...都要等D頭髮長番先有得稔

夜晚公公黎晚飯

食完時當我係度整幫公公整I-TOUCH之際

宇正又唔小心整到啦

D牙撞到個嘴....損左流血吖...

今次個嘴好傷  可以見到裡面有太約5MM的一條線

唉!!!!

好唔開心自己既警覺唔高呢

呢次如果唔係我太急於開電腦幫DADDY整I-touch

未收好d抬凳....宇正未必會受傷

好內疚!!!!!

湊小朋友真的是要一眼關十

好似我呢d咁粗心大意既媽媽真係唔要得

寫低呢件事接醒自己要打醒"13分精神" (+多1分)

 

喊包二代

2011年12月8日 (星期四)



*********************************

近來

覺得自己真的老了

唔係太噤捱

每晚上網的時間開始減少

所以寫blog的次數都少了

不過其實寫blog都係想搵一個平台發噏瘋

有話題未寫下囉

take it easy

**********************************

好多人一見宇正都會話：哇!同Daddy成個餅印喎!

都係架!

不過有一樣野我就覺得佢似足我

就係一樣係一個喊包喇

唔好講笑

細細個我就被一眾親朋好友冠以這個「美名」喇

個條水喉一開都幾難閂埋

當然依家人大左情況好左好多喇

係睇到d慘情戲時忍唔住姐

小朋友用喊黎表達情緒係好正常的事

不過宇正d眼淚真係黎就黎架

有時仲會加料送埋鼻涕

十個有九個見過佢個喊樣都話佢可憐架

就係呢個慘樣  宇正迷到唔少EE 姐姐既同情心

有次星期日飲完茶佢扭計係屋企樓下唔肯返屋企

仲討得看更叔叔送左條冰糖胡蘆比佢添

見到佢個個喊樣

令我想既自己細個時係又喊唔係又喊

都幾好笑

不過我唔會STOP佢

喊始終係情緒的發洩

喊完後都係要面對唔開心既事

呢個就係我呢個喊包一代咁多年來的心得

真係想喊既時候

我會同身邊既人講

你由我喊喇!

所以對宇正我都係一樣

好多時佢扭計唔開心喊

喊到咁上下

我會問佢喊完未

最得意既係依家佢識答我

如果佢答未喊完   佢又真係會繼續喊多陣

如果佢話喊完    佢就會用口水肩抹乾眼淚

個下感覺佢真係大個仔了

開始學習處理情緒

唔知呢個喊包二代會喊到幾時呢?

growing up~

2011年12月5日 (星期一)

 

見到呢張相...

就知道小朋友真係大得好快

兩張相相隔無一年

一張係2011年1月1日影的

另一張係尋日影的

本來打算2012年1月1日先去

不過個日唔得閒

所以提早少少去

宇正越黎越大個仔了

真的有點不捨得你大得那麼快

Toddler&#39;s Wonderland

2011年12月3日  (星期六)

終於終於到第一堂喇

其實媽媽我心情都好緊張

 畢竟是宇正的第一次

呢日爸爸有事唔能夠同行

得我自己帶宇正去

準時10點半到達

第一時間係交學費先

跟住就換鞋

因為今次要宇正自己上

所以我預備一對乾淨的CROSS比佢上堂着

之前上PLAYGROUP因為有我帶住就只係着防滑襪

自己上堂果然係唔同D

學校預備一格比宇正自己放鞋

仲印左Maximos Fong 係度添

好pro吖~~

之後我帶宇正到課室門口

剛好撞見校長

就咁宇正就比校長氹下氹抱左入左課室喇

比人突然抱左...宇正當然有唔反抗喇

係咁叫「媽咪...媽咪...抱...」

呢個時候出動利誘

我同宇正講: ：「媽咪依家去買包包返黎比你，你係課室上住堂等我好唔好？」

宇正一句話好!!

唔等佢有其他反應

即走.... (其實個下有d 唔捨得架...)

係學校出圍聽下有無宇正的喊聲

無喎!!

算喇!唔諗喇!!食個早餐等下先喇

1小時15分鐘後.....

返去接宇正....



好明顯係喊過黎

神情仲係好呆滯

見到我時未至於好激動

不過感覺好楚楚可憐

買左佢最喜歡既茶茶

比佢飲一啖先

返到屋企樓下食午餐




夜晚公公黎晚飯

買左隻走地雞

分左兩隻雞脾比宇正慢慢嘆



慰勞佢今天的努力

 
p.s.

今日落堂後我不停問宇正

「你今日上堂做過d乜吖?」

淨係聽佢講話 嘔

開頭我都半住半疑

因為無理由 嘔 件衫仲咁乾淨架

終於忍唔住打電話去問一下

老師話宇正係有嘔

不過只係類似作嘔咁

嘔左d水出黎

哦!原來如此

經過今堂後

再問下堂宇正都要自己上堂架

要乖乖等媽媽接

佢就不停話媽咪抱

之後就攬住我.....

第一堂未知咩事要走會易d

到第二堂宇正應該知道要自己上

唔知到時有會點呢?

期待......