壓力之開始....

2011年5月19日 (星期四)

Katherine媽媽寫blog一向隨心
唔會日日都update
不過近來又真係無乜心機寫
無計喇...
巨蟹座的我多愁善感左d架喇...

補習社塊板又黐滿....

考試時間表喇
表示又開始博鬥喇
其實做左補習咁奈
我真係好怕考試測試
緊張的程度
係大過我自己讀書個陣
因為家長到最後都係同你睇成績嘛
其實如果比我想
我係着重小朋友的學習態度多於成績
不過好多家長都係睇成績居多
最怕就係d家長問我地
""點解會咁差架???""
就算係有進步都好
只要唔合佢心水就會問點解
其實講到尾未又係個小朋友既學習態度有問題

今日有一個家長接個仔放學時問我
佢個小朋友係未有學習障礙??
其實佢都問過好幾次架喇....
之前就問佢個仔係未蠢...??
都講過無數次
佢係懶...再加上比你縱壞左
雖然呢個小朋友唔係我學生 (Candy姐姐的...)
不過因為呢個媽媽每日都例必捉住Candy姐姐問一大輪
所以大概我都知道佢係乜事
鬼咩...每次要佢係屋企做既...溫既...
都無做....仲要同亞媽講我地無教...
佢亞媽又真係走黎側問喎...
都係度補左四年喇...
如果我地係一路都無教...
你唔走左十世咩
不停比籍口自己同個小朋友
一係就好話大壓力...
一係就覺得學習障礙...
再唔係就係老師無教....
成績無進步係理所當然喇...
其實合格到就好好彩喇...

比我都無咁好氣...
讀唔讀係在於自己
黎得補習就係想成績好
有進步
不過都要自救至得架嘛...

不過真係好大壓力
當然眼看好多學生態度和成績都有進步
不過成績好唔好對於家長黎講真係最實際既
......
加油...加油.....

另外又就快暑假...
淡季吖...
希望唔好蝕太多喇

每年例排的壓力來源又黎喇.....
唉....