第一次船河

2011年6月18日 (星期六)

謝謝宇正叔叔的邀請去遊船河

呢次係宇正b的第一次

亦係媽媽的第一次呢

仲比我奶奶笑我咁大個人先第一次去遊船河

咁我當然唔會講乜既

只係老公一直都無攪呢d活動

喂...我18歲就識你個仔..

加上我去玩乜都孖住佢架嘛

所以一直都無去過唔出奇姐

好奈之前都有人約過我既

不過老公唔去我就當然無去啦

我呢個奶奶就係咁架喇

一時一樣

有時串起上黎呢...

***************************************************

因為我要帶埋宇正b去

(本來我奶奶叫我唔好帶佢去...當然..我同老公係唔會喇...

我只係講左一句"如果個仔唔去...我都唔去喇...")

就係咁

我老爺奶奶又跟住去

其實佢都係想幫我照顧下宇正b姐

本來我都唔覺問題

不過我又無稔過佢地真係唔落水

乾煎吖...

好彩今日都唔算好熱

唔係太辛苦

但係呢...

可能我近排少長時間對住佢

有d頂唔順

不停"哦"....

一陣又話宇正b餓要飲奶

一陣又話佢要訓覺

一陣又話太夜食飯

..................

總之就攪到我心情煩燥

神經衰弱喇

最後晚飯時老公都忍唔住發火

(無錯....只有佢d仔女出聲...佢先識收咋...如果唔係仲有排哦...)

so far....

今日都玩得好開心既

不過下次我就寧願自己同老公辛苦d自己湊

唔駛兩老辛苦

又玩得唔盡興喇....

再一次發現

有嫲嫲係度

宇正b係港孩的事實

唉....

==============================

photos@18-6-2011

==============================