管教again!!!

 

2011年10月30日  (星期日)



這個話題開過好多次

不過唔同既年齡都有少少的分別

2歲的宇正

係唔同既場合開始會有不同的一面

見到一d可以扭既人

(我稱為"靠山")

就會唔理我呢個媽媽的管教

對於呢點

我係唔可以忍的

(所以我盡量少係老爺奶奶公公面前教仔 =.=)

今晚朋友係我屋企gathering

宇正晚飯食得唔好

成日扭落地

坐唔定

去到我忍唔到的地步

我決定唔比佢再食晚飯

樂媽係度喂緊樂樂

我一早講明唔好比宇正食喇

因為我講過唔好好坐係度就唔好食喇

結果都係比宇正去討得一口飯

個下即時着燈

其實好多時都會有呢d情況出現

都係自己做得未夠好

規矩定得不夠清楚

當時感覺到宇正是以一個好好玩的心態

個下帶左宇正去睡房

好好再同佢講食飯時要點

其實今日係朋友先可以有呢個做法

如果對住老爺奶奶其實無乜可能做到

中午飲茶的時候姑仔先講宇正實比人縱壞

可以點做呢?

其實有邊一個爺麻唔鍚孫??

我可以做既都只係希望宇正係出面做人唔好係一個大少就得喇

要講起想宇正改的壞習慣

首先最想改的就要食野方面

宇正喜歡食

不過近來食相好差

食乜都好....食食下都會吐出黎

有時仲要你用手幫佢接住  (係未好少爺feel 呢??? @@)

我通常都係會先整好食物係宇正完全食得先比佢食

例如:麵包我都以經分好大小適中的比佢攞黎食

離譜的是佢居然"滅"左d包皮比我

不嬲宇正對於食都唔算係大講究

經我發現都應該係麻麻的影響

只要係有少少硬既佢都會叫宇正吐左佢

相信係久而久之養成呢個好差的習慣

我自己就會覺得好唔得

上playgroup時tea time宇正張d餅食幾口再吐出黎

你話係未激死?

我都想搵一個方法可以改善一下

現階段都只係可以講道理

其他媽媽唔知有無好方法呢??