momo = nono ?

 

 

2011年10月18日  (星期二)





宇正依家知道自己英文名叫momo喇

咁解會= nono呢?

一早都覺得佢開始踏入trouble two

不過無想過原來開頭個d係少野

少少扭計咋

近排基本上你問佢乜都話唔好先

根本都未聽清楚我問d乜

就唔好!!!唔好!!!

但又唔係真係唔好喎

我舉個例

每晚訓覺前我都會比佢熄燈熄電視

呢排叫佢熄佢就話唔好

話MAMA熄...問佢好幾次都話唔要

好喇...我熄左喇

又有人發顛話BB熄

扭成半個鐘到我頂唔順開番燈比佢熄過

分享玩具方面來都唔會有問題

好多時我叫佢先讓比人玩佢都肯

又係呢排開始會同樂樂爭玩具

我知!!我知!!

要心平氣和地講/教吖麻

好努力做緊...

不過EQ真係唔係高的我

就快癲....

近排每日都要遲收工

接唔到宇正

返到屋企都成9點

自己都攰無乜心機

夜晚又有千百件事要做

整牙又要用一大筆

唔知係未咁

呢排成日肚痛

我D壓力一黎

個腸胃就唔舒服架喇

有時見到宇正黐爸爸黐到實一實

都有少少唔開心架

個個都話仔黐亞媽

我個個唔係囉

不過我的確係無爸爸咁好EQ

好多時都忍唔到大聲左

慈母呢個稱號我係無份架喇

我呢個好明顯係惡媽一名

唉....又灰過...


呻完!!