每晚接完宇正返屋企第一時間就是做功課，每日大約有兩頁功課，學校而家教的都是線條練習，今晚宇正爸爸要夜返，得我一個湊仔。
唉！好明顯，教自己個個同人地個d係唔同，對住宇正，我似乎一d方法都無，結果，教到有人喊到嘔！我真係覺得自己好失敗，見到宇正不停喊住話要叻比媽咪睇，要乖，我自己都想喊埋一份！
宇正唔係怕做功課，不過做得好求其，只係跟住虛線畫圓形，都畫到出哂界，講多兩句，就喊到收唔到聲！如果比宇正揀，我諗佢實唔願意媽咪教佢做功課！
沖完涼慢慢同佢講返頭先點解媽咪罵佢，佢話媽咪唔乖，哈哈哈！在於佢來講，鬧人就係唔乖，因為媽咪鬧baby（宇正的自稱），所以媽咪唔乖，佢仲話，爸爸乖同baby乖，媽咪唔乖，重要重覆幾次！
我同佢講，因為你頭頭先做功課時唔認真，所以媽咪唔開心同嬲囉！而家你大個仔啦！返學啦！做功課唔可以求求其其，如果唔係老師見到你d功課會唔開心㗎！
講到老師唔開心，佢又喊過啦！唉！我知道你想做好比人睇，要加油！
而媽咪都會好努力改掉自己的心急和壞脾氣，比多d時間同耐性比你！
大家一齊努力吧！
希望寫完呢篇blog會好瞓d，諗起頭先宇正的喊樣，心痛吔！真是罵在兒身，痛在母心！
看了這篇blog, 我緊張起來tim. 我想分享下我的諗法, 希望你包涵啦﹗照你講,其實baby真想做好的, 想媽咪同老師都開心, 有這心態已經好好, 真係好乖。只是,他年紀少,有些方法和技巧始終未掌握到。旁觀者我覺得baby大喊,因為他自己都失望.試想想：自己都想做到,但做極都做唔好, 點會唔大喊呢？ 孩子失望一來, 是危機, 估不到他小小腦子在想什麼,如有負面想法,帶來影響,如何補救都不夠啊﹗我相信要用讚賞去鼓勵baby做好, 希望他會接收到媽媽給的正能量,努力自勉, 而且讓他盡快明白到,讀好書,寫好字, 做好功課是自己的份內事,目的不是為了滿足爸媽或老師。媽媽好努力, Baby好可愛,其實大家都好乖,齊齊加油啊﹗
回覆刪除[博師奶Mrs.blog回覆12/28/2012 10:44:50]你是一個好媽媽，你很努力，很用心，我從你的blog被你感動。加油啊﹗我們都一同努力呢﹗其實我也在學習中，我都很水皮的，哈哈~
[版主回覆12/17/2012 23:36:24]謝謝你吖！個次我都覺處理得好差，回想起，覺得自己好恐怖！不過經一事，長一智，呢幾次見宇正做功課，無再嘻皮笑臉！我都記得自己要用鼓勵的説話！
謝謝Mrs blog，時常在這裡鼓勵我！我會努力的！