宇正就讀的幼稚園，7月就開始summer holiday啦！不過因為幫佢報左學校的暑期興趣班，正式放暑假其實係8月先開始，呢個暑假，宇正第1坐飛機去旅遊，同埋公公姨姨太婆去台北4日3夜！
除左學校的暑假班，宇正baba仲幫宇正報左乒乓波，見佢報名興致勃勃咁，誰不知上左1堂就話唔鐘意，好攰喎！當然媽媽我就一定要佢上埋佢啦！點唔喜歡都好，當初答應要努力，就要上哂佢。以我上堂時見，都覺得呢間乒乓學校教嘅都係小學生，所以對宇正呢d K仔（幼稚園生）唔係太識照顧！算啦！學宇正baba話齋，唔試過，點知自己喜歡d咩呢！
去完台北trip之後，Katherine媽媽仲有差不多1個星期的假，當然同宇正周圍去玩下啦！不過天氣咁熱，其實我地可以去嘅地方就只有各大商場XD！之不過，今年除左食錢樂園，同宇正多左個活動可以玩，就係睇戲啦！記得bb時，宇正對聲音好鬼敏感，大聲d都唔alright，而家大個仔啦！唔怕大聲啦！仲可以睇哂全場戲，不過只限同媽媽我，因為我開頭就講明要睇哂先走，唔可以中途離開，因為早係7月時嫲嫲已經同宇正去戲院睇戲，但每次只睇半場！@@因為有人叫走，有人又由得佢，無法子，宇正太識睇人蝦！
雖然無將宇正的summer holiday排滿哂佢，不過我個人認為，放假唔係應該好好休息，玩下咩？
不過呢！已經有人反映對住呢個百厭星身心疲累，要求下年summer幫宇正揾多d班，下年嘅summer，宇正要升K3，我或者會帶佢返補習社，到時再算啦！
宇正要9月4是先開學，即係今日，本來想寫篇開學blog，不過見fb d相，想先寫下呢個summer攪過d咩！下篇啦！寫下宇正的開學日！
BTW：原來blogger有個apps係for ipad寫blog的，呢篇就係用呢個apps打的，尚算好用，所以，update可能會比之前快d！開心呢！可以重拾打blog的樂趣：）不過呢！blogger d setting仲未係舞得太掂，要慢慢同佢做朋友 X ）
沒有留言:
張貼留言