話咁快，宇正已經係一個K2生啦！8月尾個星期六去左家長會，今年學校大改革呢！都係嘅，上年剛轉校長，任職一年啦！係時候要改變啦！
今年唔再用水果，動物，海洋生物分班，全統一用英文字分班，4個英文字係學校英文縮寫，別外2個有A（ for angle）同F（唔記得係for咩 XD）
收拾好通訊袋，填好新手冊，簽好回條！
仲有就係暑期功課（右面個疊筆順，教到我暈@@）
到左開學日啦！天氣麻麻，落雨，上校車時有d狼狽。開頭都怕宇正會唔慣，是關前一晚我同宇正baba都feel到宇正有d坐立不安，成11點先瞓。
好在，最後係開開心心同mami say goodbye上校車，大個仔啦：）
第一日返學，未有功課，不過就派左4本書，等mami同你包靚靚先：）
之後第2日老師都無收返d新書，相信係因為到K2學校要學生自己每天帶書返學，唔再幫佢地keep係學校啦！多左4本書，書包重左呢！不過係時候要習慣了！
到第2日放學返來，已經有功課了，wow，好快呢！今日的功課係2版筆順，真係好怕教宇正寫字，一來我左手人，二來宇正寫字真係好無心機，我曾經以為係能力問題，但發現我只要變惡魔，佢係寫到，慘在當我態度一鬆懈，溫柔少少，佢又亂來，我講嘅亂來，係真係亂來，唔係字醜咁簡單，所以一見到有寫字功課，我真係好驚！返工對住班學生已經好勞氣，返到屋企又要勞氣，真係命都唔長@@
如果有各位媽媽朋友對於教寫字，有良法，請賜教！Katherine媽媽感激萬二分。Orz
沒有留言:
張貼留言