各位媽媽~
Happy Mother's Day
今日無乜特別節目
只係中午係屋企樓下和奶奶飲茶
然後就係屋企hea
同宇正b齊齊訓午覺
係最好的母親節節目
宇正b好比面咁4點訓到6點
之後就坐馬鐵入左馬鞍山
因為想去千色店再搵下煮飯仔
(老公話我買唔到唔死心架喇......
)終於......
比我搵到個款唔係太女仔
價錢有ok既煮飯仔喇
三百蚊有找......
呢日去邊食都唔抵
所以我地去左大家樂食晚飯就算喇
食完再行多一陣....
返屋企玩新玩具lu~
宇正b仲玩到唔願飲奶同覺覺豬添
飲到一半又要落地地玩
要收埋座野先肯繼續飲
今日夜左訓添...
掂喎 , 宇正B有板有眼,似模似樣.. 健康院姑娘果然無介紹錯
回覆刪除[版主回覆05/09/2011 00:33:00]又係吖....估唔到佢又好喜歡玩....買過咁多玩具....好似呢款最投入...
下面仲有個櫃桶喎... 呢SET包唔包埋腸仔, 太陽蛋, 三文字個D食物
回覆刪除[版主回覆05/09/2011 00:32:00]食物唔多...得幾款...有椰菜..雞脾...同應該係薯仔...不過都夠玩喇... 下面個櫃無野架...我就放哂d林林星星野入去...
哇~ KATHERINE 媽媽你最終都係買大座既煮飯仔..好正呀..呢SET 連埋D 餐具都係3百幾 ? 千色店買呀?
回覆刪除唔怪宇正B玩到唔停...連我都好想玩添...
[版主回覆05/09/2011 17:09:00]係吖....千色店買架...$270幾蚊... 因為叮噹個set都要2百幾...所以呢個低d囉
嘩～ 個美男廚房好正呀 !! 你睇宇正b成個大廚師咁呀～
回覆刪除等我都買返個比豬仔玩先得 ！！
[版主回覆05/09/2011 23:55:00]不過呢....今日玩既時候有d熱情冷卻...張d玩具食物周圍放...家下仲有個杯唔知比佢放係邊到....激死...
四圍放D食物...
回覆刪除我估宇正B既策略是等媽媽放D "真係食得落肚" 既食物比佢煮同 "食"
[版主回覆05/10/2011 22:37:00]笑死左．．．