打造住家男

2012年6月1日  (星期五)

六月的第一天，等我開篇新blog先。

上星期日，同宇正爺爺麻麻飲完茶，去左新城市廣場行左轉，去到宇正立即聞到反斗城浸味，lur住要去。無問題，都好奈無你去喇！行下啦！本來打算行下就算喇，反正唔買玩具宇正都唔會lur買的，呢個小朋友對玩具要求唔大，最喜歡都係同媽媽爸爸玩

最後唔知咩原因，爸爸就買左架小朋友BB車比宇正。宇正係比錢時都不停話要比minnie坐架喇！返歸後立即比亞minnie試坐。

呢架野其實好早都想買比宇正架喇，扮大人野最啱佢心水。聽奶奶講佢日日中午時都有份推表妹的BB車架！

有朋友係FB話宇正都幾喜歡做小幫手架喎，都係架，其實好多時小朋友都好喜歡模仿大人，差在你肯唔肯放手比佢去試o姐

除左架車，其實我仲想買套小朋友清潔用品set比宇正架，不過比人reject左

都係既，玩具對宇正黎講唔係必需品，好多時都係三分鐘熱度，現時玩得最奈既都仲係佢份christmas禮物

每日必玩，使用率最高的玩具，無他的，宇正最愛呔盤了！

其實買housekeeping toy set 都係想宇正培養幫手做野的習慣，所以.........

用真既未仲好

雖然只係係咁易比佢吸兩野，不過在於佢的想法，以經覺得自己幫左媽咪好大忙了

做家務係每個家庭成員的責任，呢點我可能比較舊想法，舊時細個我地未又係比亞爸亞媽老點做跑腿。

亦可能有朋友講時代唔同喇，但時代唔同唔代表唔冼負責任架嘛！RIGHT?!

自從比呢條友仔試過用吸塵機後，每朝做家務時就第一時間係咁講「bb要吸塵！」

希望第時大個要你做家務都維持住呢份熱誠就好啦