我要keep fit !!!

2012年6月20日  (星期三)

一路以黎，我真係無乜特別看住自己的身重和身形，唔係話唔貪靚，但相對食對我重要好多囉。加上我又持住自己有少少高度，肥少少唔覺既。

由細到大都算係少肥個咋，最肥應該係中五個陣(因為一路溫書一路食零食)，不過我發現依家仲勁過個陣.....oh my god！黎緊呢個birthday，終於踏入30大關了，雖則有人認左頭，仔又生埋。但為免自己切切實實變成一個肥師奶，我決定要做下運動keep keep佢喇！

不過我呢庭又要返工又要凑仔既working mama，邊樹仲有時間比我做運動吖？

10月做新娘子的Candy姐姐，介紹一個既經濟又唔會用好多時間的好法子比我呢！thanks a lot 其實Candy姐姐同我一樣係勁懶做運動的人(所以我地做到好朋友)，佢係比個妹迫佢一齊做，迫下迫下，個效果唔錯喎！

Katherine媽媽我都做左兩個星期喇，每日用半個鐘到，出身汗，個人確係幾爽，不過每夜都要等宇正瞓左先做得，有時做做下佢突然整醒我又要沖入房安撫佢，,無計喇！媽媽呢個job無得休息架喇

講左咁奈，都未講咩運動咁巴閉 (開篇blog去講？)其實呢個係由一個韓國中女創的健身操，只要你係you tube打「鄭多燕」就會search到架喇

聽講呢位中女係韓國好出名架，結婚前係一名室內設計師，結婚後因為生完唔keep變肥，最後仲離婚之後就自創一個名叫Figure Robics的健身運動，推廣自創的減肥健身運動，成為韓國著名的藝人。她既事蹟仲被寫入韓國高中課本，作為教材。(哇！女人的小宇宙好利害呢！)

人到中年(女人的中年30就到，慘！)，係時候要注意多dd喇！

比絛you tube link大家等大家唔冼四圍搵喇 ！

http://www.youtube.com/watch?v=jP0evqM9_tE

上面個條link係做全身的，如果你同我一樣要減條士啤呔的話，

可以做呢個 http://www.youtube.com/watch?v=3D_0hZ6SV54&feature=relmfu

係針對下半身的運動。

事先聲名，呢套健身操都幾金架，開頭未做慣，第二日d手手腳腳都仲酸痛，每次做完全身個套，個人係滴水的。下半身個套無咁出汗，不過d動作好難跟，跟到的話下半身會勁酸痛。

不過唔出汗，d肌肉唔痛，點會有成效呢？right?!