hea住嚟忙的星期六,日

2012年6月2日 (星期六)

老公呢兩日都要工作，所以得自己湊仔。宇正依家星期六無上堂，多左d時間，不過一個人湊住個仔，我又唔想去太遠，星期六中午去搵老爺奶奶飲茶，當出街架喇。

見個天都有d太陽，下午返到屋企拿拿林做埋d家務，帶宇正去左club house泳池玩水，宇正筆水筆得勁開心，之後幾日都係咁講要「玩泳池」。玩左無一個鐘就返去喇，因為BB池個邊無太陽曬住其實D水都幾涼下。

老公5點幾返到屋企，宇正瞓左，我都係床到玩下電話休息下，夜晚就再上老爺奶奶到食飯。

咁又一日喇!!

2012年6月3日  (星期日)

因為老公又係一早要工作，見宇正瞓得咁冧(其實係自己懶)又miss一堂慕道班了，再咁唔知會不會被踢出班呢??

中午如常地同老爺奶奶飲茶 (again !!!) 返屋企推架BB車出去超市買餸，今晚DADDY過黎食飯，因為屋企通常係我家男主人當廚的，太奈無下廚的我炒燶菜呢(落唔水焗椰菜花)

唔得!!要多D煮飯先

下午做家務和預備晚飯時宇正LUR住要去玩波波池(大少，你亞媽我九百樣野未做吖!!!)

索性打電話叫DADDY早D黎招付住個孫先，1小時後，救星到達，仲買埋下午茶嚟添

之後，宇正開開心心地拖住公公向波波池進發，我就可以安靜地完成家務。

無宇正攪攪震，半個鐘就吸去床褥被單枕頭，換好床單！

打個電話問DADDY攪唔攪得掂，OK無問題，跟手煮落飯，可以坐下休息下喇！

無奈宇正同公公快樂地返歸，我又開始整晚飯啦

煮、煮、煮！之後快手食、食、食！  (公公係度宇正又係百厭D)

邊食邊話。食完又開始洗、洗、洗！抹、抹、抹！

坐一陣就送公公去巴士站喇！

再JOIN埋剛放工的爸爸回家去！

*****************************************************************************

呢兩日，我就只係影左一張相

但其實呢兩日我都無離開屋企超過2000米的範圍，有三分二時間係屋企

都唔知點解好似無時停咁。