基本上，要答識答嘅我都會第一時間同佢講，不過有經驗的家長都知道咁係滿足唔到佢嘅要求。就算你答左佢，佢都好似失憶咁每隔兩秒又問(每隔兩秒我都想起你........)
我發覺再繼續問落去唔係辦法，所以我決定用反問句去答返佢。例如:佢問:「爸爸係邊？」如果答完佢再問我就問返佢:「係囉，爸爸係邊呢？」佢自己就會答返我「爸爸返工。」之後佢就唔會再問返我，轉而問其他嘢！
除左「每事問」，宇正依家仲識同你講數添，有時唔比佢做或者是食時，佢就會樹起一手指同你講「BABY( ) 一次！」括號裡面既字可以係食、睇、玩、講等等......不過好彩就是佢都算有口齒，好少賴皮。
依家每次聽佢自稱BABY都覺得好得意，不過相信好快佢就唔會咁叫自己了，因為返到學校實比同學仔笑，男仔嘛！
不過媽咪好想講你知你永遠都是我的小BABY！雖然你亞媽我成日都好鬼恶話你，又整鬼你
不過都係想從培養你不拘小節的性格(信不信由你
)唔小氣，唔麻煩的小朋友，係會得人鐘意D，着數D架嘛！RIGHT?!
Katherine ,想問下你，而家宇正會問點解，咁退番前幾個月時，宇正明唔明咩叫點解？
回覆刪除點解我咁問，係因為次次我地問家希點解，佢好似點左「月」咁！我覺得佢唔明點解係咩意思，搞到我地有點想知道個原因問佢點解佢又唔識講咁！
宇正就乖，唔頼皮，家希又係成日樹起1隻手指話，1次，食1次，玩1次....，不過次次1次過後再1次，衰到死，所以同事叫我同佢講條件，1次後要點點點，再頼皮就由得佢喊
[版主回覆07/12/2012 01:57:56]其實我又無深究過佢之前明唔明白「點解」呢個意思！我諗係我地對話裡面佢自己領略啩？宇正有時都會賴皮㗎！不過我會同佢數數，例如佢要玩水，如果我話停就停，佢會發老皮，不過如果我先同佢講會數30下就停，數完佢就真係會停，呢招我試過其他小朋友到都work㗎！你可以試下：）
用反問，都好似幾WORK喎。。。。等我都試吓先～～
回覆刪除[版主回覆07/15/2012 22:52:21]