近來

2012年7月2日 (星期一)

 

連續三天的假期，但Katherine媽媽無心機帶宇正去街街，因為宇正皮膚敏感，生到d手手腳腳都係粒粒，6月30日個日同左佢去睇醫生，感覺幫助唔大，食完藥，搽左藥膏都唔見好轉，希望如奶奶所言去d毒就慢慢散喇！今天見佢開始R，唔知係未濕疹。如果係......就有排攪喇

星期六去睇醫生時間話係皮膚敏感，其實係未即係濕疹呢？如果係的話，可以有D咩幫到好呢？

老公話再睇下點先，如果唔得就去睇中醫，不過樂媽一家外遊中，要星期日先返香港，到時先可以問到樂樂睇開的中醫生地址。

唉！見宇正生到上面到，又開始R.R.R.！心都噏埋.........

近來WEEKEND去得最多都係PLAYROOM，鬼咩，一係就落雨，再唔係就天氣太熱，放假商場人迫爆，所以都無去得好遠！

呢日一早約左DADDY出黃埔飲茶 ，因為嫲嫲都出TOWN 。老公要補眠，所以就我同宇正出去，好景不常，我因為大脾生左粒大瘡行步路都要就住，(唉！呢排行衰運嗎?)所以只好坐的士，無信心痛住抱35磅人仔坐火車再轉小巴。

飲完茶跟車出左灣仔，DADDY同嫲嫲去辦事，我就帶住宇正同表姐行街街，宇正大豐收，E媽預送左份生日禮物比宇正，我就買左把水槍仔比佢沖涼時玩，我自己都買到兩條LEGGINGS。(想買好奈喇，屋企個兩條着左三年有多，殘到爆)

行左一個鐘唔夠，我已經頂唔順要搵地方坐下，雖然宇正肯行，不過有時人太多都係抱住安全D，35磅我頂盡抱15分鐘，再加炎熱的天氣，體力透支得仲快！

坐低食個TEA，同表姐談談心，真係好奈都無咁喇！對上個次係未生之前！雖然有宇正係度攪攪震(玩到我D頭髮成個癲婆咁)不過好開心呢！

做左媽媽之後，咩都以個仔行先，好少想到自己的娛樂！不過相信天下媽媽都是一樣，看到仔仔女女開心，自己就HAPPY喇

所以希望宇正快D好喇