媽媽雜想

2012年10月14日  (星期日)

<<以下內容有d語無論次，純遂個人感受，睇唔明就算吧喇>>

 轉眼間，宇正返學成個幾月了。唔止我，很多人都覺宇正個人大膽左，開朗左，喜歡同小朋友玩。見到宇正有咁既轉變，媽媽我都好開心！不過伴隨住就係多左皮四同百厭左，周不時都會聽到宇正姑姐同我投訴佢蝦表妹 因為我唔係現場，好難即場話到佢，過後話其實意思不大！

  因為宇正多左曳野，變相我鬧仔的情況多左，真係唔想架！個人燥低，同老公的磨擦又會多左，總之，個人時常都好灰喇

工作方面，知道的朋友都知道我班學生有幾"kam"喇如果我太上心，要求太高，每日放工真係會零能量，所以無辦法之下，都要放開懷抱了！開學一個月就欠交功課到要記缺點？仲要係無寫手冊無帶，欠簽名欠畫畫？真係無得勞氣。

近來收左個P1新生，小朋友又是一個被寵壞了的BB，開頭幾日扭到癲話唔要嚟，到講掂數快快做完功課就走，都算有進步！問題在於個媽媽到，同樣作為一個母親，我明白到小朋友升上小學是一個大轉變，緊係會緊張D，不過呢個呢....真係聽到都無言(因為唔係我教)，首先，小朋友自己唔識叫去廁所，醃到大脾，媽咪係打黎質問未我地唔比佢個仔去廁所唔好玩喇！其二，因為小朋友唔想留太奈，為左令佢習慣D，做完功課就比佢返屋企溫書，無幾日，個媽媽就同我地講佢係屋企唔肯溫書，想佢溫完書先走(重申一點:2個鐘的功課輔導班係無早放佢走，只係準時放學咁解咋)大佬，唔係唔想同佢溫，係佢唔想，佢個唔想就超唔合作，拖慢D功課嚟做，未仲死！好喇！到上星期尾又有新花款投訴了，話我地對錯功課，對錯抄寫功課？唔係無對，錯了的字係有改，只係肉酸個無改，唔想唔想擦，係少爺仔唔歡喜。個小朋友有咁多問題，責任出係邊個到呢？10月先開始補習，半個月你想點呢？換個個仔比你好唔好？

有時我自己都會覺得對自己個仔嚴左D，3歲人仔你想佢識飛咩？但我相信 「三歲定八十」，尤其是男仔，我希望佢會硬淨D！

雖然咁講，但我好多時都好難做，尤其是係長輩面前，所以好多時我都唔會係人前教仔，朋友除外，所以如果你有幸見到我好兇咁教仔，証明你同我感情好好真係識我的朋友都知道我教係仔上黎絕對係兇，如果平時你見宇正好似無乜理我，唔係好怕個d只係話唔係教。

媽媽的通病少不免忍唔住成日哦！(努力戒緊)又唔知講左去邊！今日居然比人話咩都就哂個仔！哈！呢d笑料得啖笑好了！

我唔敢講我好識教，但一定唔會係縱個隻囉！因為我係一d好怕比人話無家教個d人，我唔會比較，但有人會囉！好多時仲要係......

有時都會覺得自己好慘 ，左右做人難，老公，唔該你識做d串少我一陣，錫多d個老婆喇喂！近來feel唔到愛的感覺！我想諒解架，知你工作辛苦，只係大家咁話喇！希望我有番互相扶持的感覺！放假的時候希望你個人歡容d，唔好做黑面神好嗎？學巴士亞叔個句，你有壓力，我有壓力嘛！

好彩的是我們有班好朋友，可以一餐晚飯幫我地兩公婆減減壓！

有時大家見到我的狀態麻麻，真係唔好見怪！so sorry~我並唔係想趕客，大家唔好比我嚇親我呢庭人，大癲大肺過後就會身心舒暢了