第一個interview

2011年9月27日 ( 星期二)



尋晚煲劇煲得太勁

今日好攰吖

不過點都要打呢篇blog

因為好有記錄的意義

今日請左朋友幫我頂班

因為宇正要interview呢

雖然無打算讀

因為呢間無學卷唔係我既target

不過我又真係幾喜歡佢既課程同教學理念

所以老公都叫我報埋佢做後備

好快就訂左呢日in喇

時間係4:30p.m.

前一晚宇正訓得好差

因為有d痰上頸

成日kick住kick住唔舒服

加上呢個時間通常都係佢既午睡時間

所以都抱住會唔得既心態去喇

中午食完飯

去超市買完野

見宇正有少少想訓

拿拿林比支奶佢等佢訓一陣




一小時後醒左

早d出門口等佢warm up一下

食個快TEA就去幼稚園喇

去到等一陣就叫名

有個主任同我地入左個間課室

房內有幾張檯

其中一枱有人仲IN緊

開始的時候宇正都仲有D怕羞

黐住爸爸

講野勁細聲

老師問佢叫乜名

又攞宇正張FORM的証件相問佢呢個係乜水

宇正認相認人都OK

之後就係玩玩具喇

開始是砌LEGO   (要老師幫幫手先可以完成)

之後係推車車   (PASS)

再分大細車   (PASS)

又叫宇正比大車爸爸  比細車比我 (PASS)

之後指住爸爸問宇正呢個係乜水    (答到係爸爸)

又指住我呢個係乜水   (答到係媽媽)

之後老師又問: 「咁你又係邊個吖?」  (呢個最好笑...因為宇正答自己係BB...老師都笑出黎)

配對板  (老師先叫佢攞出黎...爸爸仲正...係旁邊問佢邊個係樹,邊個係狗...幫個仔加深個難度...好再都算OK)

跟住老師問我宇正識唔識分顏色 ，我都幾老實講有教，不過就仲未係分得太清楚  

老師就話試下...攞左藍色,紅色,黃色既玩具出黎

宇正呢PART有D亂黎...全部都話係紅色囉

小朋友個PART完就到IN大人

都係問下點解會選擇呢間幼稚園呢

平時邊個湊吖等等

感覺到老師都幾滿意宇正的表現

不停話佢好肯講野...唔太怕生保

媽媽我都好開心  (有人讚自己個仔就當然開心喇)

呢次interview對於我黎講係大成功

希望跟住落去既interview宇正都能夠咁叻仔喇

interview後去playroom玩一陣