開卷有益 2

2012年8月23日  (星期三)

 

*****************************************************************************************************
呢個星期呢......真係激到我同Candy嘔血！！放埋下星期就開學喇！d暑期功課都未做完！最正就係我發現有家長幫仔女做功課囉！真係無得頂吖！

就係因為我工作上見到有咁多反面教材，所以無疑我對宇正的教育係會比較嚴！而呢排成日呻宇正好曳，但好多時佢都好乖好窩心既！

仲有兩個月先三歲的宇正時常比人誤會三四歲，再加上佢講野都幾清楚，所以有人問佢返學未，我答無大家都好驚訝。aaaa....唔好誤會，佢地個驚訝樣係想話：「個亞媽有無攪錯，夠年齡都唔比個仔讀書。」

8月30日宇正就正式踏入佢既K1生涯喇！希望佢喜歡我幫佢選既幼稚園喇！

2歲10個月的宇正，表達自己無難度，尤其是食方面，識宇正的朋友仔，都會好讚嘆宇正食的表現，亦因為佢太喜歡食，所以係零食方面我都KEEP得佢幾緊，如果唔係就會變大肥仔喇！不過呢！小朋友都係要有少少肉地先得意既！

講開個BLOG的TOPIC，我記得之前都講過，所以後面加個2想睇返見<引用>CLICK番黎睇喇 (係最頂位置)

上星期日同我姑姐飲完茶，又接收左一批書，全部都係宇正依家啱睇的(之前個D比較深要大個D先啱睇)，有D仲細細本，可以帶出街添。

睇黎要快SET-UP好一個書櫃仔比宇正放好D書。

之前無定下時間每日同佢睇書，多數都係I-PAD教學多，不過就黎返學，都係時候比佢習慣一下聽書喇！

好想教宇正讀《三字經》，一來小朋友讀起上黎好得意，二來想從中教佢做人的導理，姑姐比的書中有呢本，GOOD~~~

呢個星期開始讀第一頁，每個星期一頁，每日抽5-10分鐘讀，每一頁都有一個小故事解釋意思，對於宇正黎講就好似唱歌仔咁。

到床上時間，又會有5-10分鐘的STORY TIME，因為我表妹好LIKE WINNIE THE POOH，書中有幾本POOH POOH的故事書仔，啱哂臨瞓時睇。

開頭仲怕宇正會無咁大興趣，因為佢無乜睇過POOH POOH 的卡通，點知我一攞起本書，佢就大叫「 WINNIE POOH吖！」(無左個THE) 難得你咁鐘意，媽媽就算講到聲沙都講既(我發現我把聲越黎越沙，就算平時係屋企講野唔大聲，講得奈少少都開始無聲，唉！職業病)

不過其實我無讀哂D英文，如果我依書直說，我諗宇正會即時彈開我睇育兒書話佢地依家主要係以圖像記事，文字方面都係以簡單線條的字體為主(即是A-Z呢)所以我係跟據圖畫黎講故仔，上面個版宇正會知道老虎係TIGER，兔仔係RABBIT，因為TIGER周圍跳跳跳，整爛哂D南瓜(PUMPKIN)，胡蘿蔔(CARROT)同蕃茄(TOMATO)。

當然閱讀呢個習慣唔係一時三刻可以培養出黎，要持之以恆。

依家辛苦D，放多D心機，就係為左宇正第時唔好怕睇書，睇字。