呢個星期得我一個返工，事關到Candy姐姐放假休息，其實唔會太辛苦(不過勞氣囉
)因為暑假返既學生唔多，一個人都攪得掂既！因為只係上一班，其實我既工作時間只係3個鐘(自雇的好處
)因為接宇正的時間無改變，變相多左私人時間喇！不過一個無無聊聊唔去得邊，所以好多時買完餸再買本雜誌就返屋企hea喇！唔好講笑，煲八掛雜誌對於好多媽媽嚟講係好奢侈既事嚟架！(媽媽們有無同感先？
)細妹早輪工作到天昏地暗，忙到亞媽到唔認得，終於呢排得間dd(真係dd咋)可以休息下見下面，黎接我收工再行街街食晚飯，不過呢幾日d空氣差到無朋友，再加上我地兩個都處於低電狀態，最後一致通過去按摩鬆鬆佢，飛個的出佐敦，求其搵左間就行入去，288/100mins，都ok喎！中途有段時間仲瞓左添！
按完就去醫肚，本來打算食澳洲牛奶公司架，點知無開！(門口貼住全體員工放假，休息幾天！型！)改去翠華，佢個奶油豬呢！真係好味到無得頂！
之後去吳松街睇童裝，就各自散喇~
奈唔史叉叉電，有益身心呢
早排去剪番個冬菰頭，成個人爽哂！
「奈唔史叉叉電，有益身心」非常認同呀！
回覆刪除[版主回覆08/10/2012 14:08:36]Yeah~