Hair cut 大成功

2012年8月11日 （星期六）

因為之前係屋企附近的salon剪髮，宇正都爆喊。再加上遇到的髮型師都無乜愛心，攪到我都好無心機，正式的貼錢買難受呀！

眼見兩個朋友仔都成功係salon剪個靚髮，我都想宇正有個新look開學。終於，撞啱老友熙熙去剪頭髮，一於join埋齊齊剪啦！先前不停預先心理輔導宇正，不過都係不停叫唔要，唔理啦，照去馬！

約左朝早11點，人無咁多，因為熙熙已經唔係第一次剪，所以就由佢做先頭部隊，幫宇正哥哥壯壯膽，宇正眼見熙熙坐定定，好快就攪掂，見佢好似無咁緊張啦！終於到佢啦，髮型師姨姨好好，不停鼓勵同讚宇正，就係咁，宇正拖住我隻手，心情戰戰兢兢之下，成功剪頭髮啦！yeah~ 完全無喊過！剪完之後姨姨仲同佢地兩個jel左個頭！成個超級撒雅人咁款，笑死我同熙媽

剪完頭髮剛好爸爸放工嚟join我地，最攪笑就係爸爸打電話嚟個時宇正剪緊，我比宇正同爸爸講左兩句，宇正：「bb剪頭髮，好勇敢！」無錯，bb你真係好勇敢臨走時除左同姨姨講bye bye外，仲同姨姨講「唔該哂」添！

之後齊齊食個麥記（應承左如果剪頭髮唔喊就去食麥當勞薯條），就各自散啦！聽日見！

因為知道老公呢個星期工作疲倦，所以下午的家庭活動是午睡，有爸爸媽媽陪瞓，宇正瞓左2個鐘呢！（平時係無午睡，有都係最多1個鐘咋！）

之後出左新城市晚飯，順道去Dr. Kong攞上星期訂左的黑皮鞋（返學鞋）

係商場閒逛一陣就返屋企啦！