小風波

2012年8月18日 (星期六)

將近開學，有小小壓力，心情成日都煩燥，家中男主人都一樣，不過香港地，邊個無壓力呀？總之家中就時常為d芝麻小事攪到大家黑哂面喇！咁樣就當然唔好喇！心情唔好有損健康之餘，家中小朋友都feel到架嘛！

有小朋友之後，兩公婆成日嘈既都係關於教育問題。(有無人有同感呢？)

例如以前你唔會介意個老公飲大兩杯粗口橫飛，而家聽到一個字都黑面。要知道好學唔學，呢d野入腦既速度超乎你想像！(事實上己經入左腦，唉！)其實我真係唔介意粗口呢家野，試問有邊個唔識呀？但問題係宇正仲細唔識分咩時候可以講，咩時候應該收口呀！佢只會覺得好得意！因為見人地講到眉飛色舞。佢學到就以為自己好叻，屋企個個都錫到佢燶，唔會用好強硬既態度話！到依家，佢明知唔啱，都係度博大霧講。好頭痛！

就係成日要係屋企做惡人，做到我都好唔開心，慈父多數係我教仔時做炸両，激氣！咁我點話都無用喇！

終於，尋日來了個爆發，有人不甘成日比我話，借d易鬧到個仔嘔，唔係講笑，真係嘔到一地都係，仲要逞口舌之爭話我：又係你話我唔教個仔吖嘛！！

安撫好宇正入睡之後，我覺得大家有需要講一下(其實好多時只得我講)，我要求的教是，唔好比宇正覺得，媽媽鬧時，哩係爸爸度就無事。我無癮之餘，個仔會唔受教，一d大家都以為小事的時候就覺得無事可以由佢，教小朋友就是要由小事入手嘛！

當然我都知道自己近來唔好老皮，自己黑面身邊個個又點好受呢？呢d大家都要互相諒解囉！兩夫妻就係咁嘛！無可能要一個就哂另一個，唔長久的！做男人有時都要識氹下個老婆，成日串串共討打吖！

老實講，爸爸講一句好過我罵十句，所以有時我想有人幫口時，就麻煩幫一下，要知道要我時常拉長塊面做人，心情點會靚姐！

經過一晚沉澱之後，唔錯唔錯！希望大家都努力吧！