今年媽咪的忌日未能夠正日前往，趁這排細妹有時間，相約一齊去探媽咪。暑假的碼頭真的人頭湧湧，人多到爆，2點到達買唔到即場飛，要坐3點船，到埗随即坐的士去媽咪到先，好再今日天氣唔係太熱，逗留一陣就去探望uncle，坐低飲杯野傾下大家的近況，見有d時間去左官也街行一轉，本來打算坐返金光飛航返香港(uncle比左兩張船飛我地)，6點去到佢同我講要12點先有位，咁買呢？都係！！癡線架！星期一咋，有無咁誇張吖！本來都打算等下waiting list，見d人好似走難咁湧到氹仔碼頭，我同細妹決定唔博喇，坐返的士去澳門碼頭個邊，7點到買到7點半船，咁先正常架嘛！下次決定如果要去澳門坐金光飛航的話要預先買定船飛穩陣d！
一年無踏足澳門，各處都唔同左好多，尤其是氹仔個邊，明白點解好多人都喜歡去玩一兩日，建築好有外國feel，感覺似去旅遊，心情都會不其然relax下來。
對於我同細妹黎講，這個地方有好多回憶，每次黎到都有種唔知點形容的感覺，好難有單純遊玩的心情。
返到香港見有時間，死心不惜去食上次食唔到的澳洲牛奶公司，終於望清楚個通告，原來每個星期四佢都休息。
跟住就各自返歸喇！
沒有留言:
張貼留言