我的工作 (由2002到現在......)

自從生了宇正後，一直好爭扎，好想放棄工作全心全意做一個全職媽媽。



算了一下，原來做了補習這行有七年多了，記得當年畢業正直
金融風暴後，要找到工作並不容易，我的第一份工作是marketing
officer，公司賣的是電腦遊戲，當年周星馳的少林足
球大熱，我們公司就拿了專利出了一款少林足球的電腦game。
不過因為老闆經營不善，令到我們成日遲出糧，最後都係頂唔順
要轉工。



其實回想起，真係無諗過會做補習，雖然自己本身都幾喜歡小
朋友，不過講到教就真係無乜信心。就係想揾工時，嗰時仲
係我男朋友的老公在藍田的商場內一間補習學校看到招聘告示，

就打電話比我，當時的對話大約是:



「喂！我係啟田見到請補習老師，你要唔要試下打去問下呀?」



「嘩！你咁睇得起我呀？！補習老師喎？我得咩？」



「試下有無壞嘅！」



「咁吖......是但啦！」




就係咁，我就轉左行，仲一做就做左差不多8年多，由當初打
人工到現在自己開補習社，由當初驚驚青青咁對住班學生到現在
駕輕就熟，同班豆丁打成一片，當中真係得著好多。

要我完全放棄我的事業，其實我就真係唔捨得，畢竟我真係放
左好多心機落去，所以好希望補習社可以好好run落去，到宇
正讀書時，我又可以重出江湖。



不過一切都要等有人take over我的工作先可以再說，全職媽媽？！暫時齋talk先啦！ = ="



現在我就先做住半職媽媽先吧！