逃學

25-05-2010 (星期二)

Katherine媽我做左咁奈補習，遇過2次逃學事件，第一次係數年前，個時個小朋友3年級，因為怕比我罵放學自己走左去，揾左一大輪，終於解決了。

近呢一兩年我都改變了我的教學方法，唔再下下發火，一來無乜幫助，二來傷身，三來會比家長話我罵親公主王子們 - -"  我習慣第一二次都會平心靜氣勸告，第三次就嚴重警告，用於我5、6年級身上ok work，因為大家都可以講下道理。

不過近來就有一個學生(簡稱C)令我有d頭痛 = =" 就我第2次的逃學事件，仲要唔係一次，係n次。呢位小朋友都6年級喇，所以開始我都係勸告，同佢baba傾下，baba給我的答覆是佢都無符 = =" 咁我可以點呢？就係每次去學校放學時等到會校放哂都未見佢嘅話就去校務處叫咪。

今天當我去校務處時見到C的班主班，因為之前都有同班主班傾過C的問題，所以佢一見到我就走過嚟同我講C今天要見家長，所以去唔到補習，細問之下原來C今日逃學去玩，去左邊？先去附近室內運動場打羽毛球，再去冒險樂園玩，學校老師係係冒險樂園揾到佢 。

之後，我同班主任約定放學由佢將C親自交比我帶番補習社，以防再逃走去玩。

可能有人會問，係咩問題導致C咁呢？ 以我分折同觀察：

C 係一個無乜主見嘅小朋友，好易受朋輩影响，加上近來父母離異，無左MAMA管，又係BABA唔識管嘅情況下，再加上C係學業上無成就感。種種原因就導致今日的局面。

老實講，身為一個補習老師，自問都算盡責，但畢竟可以做嘅事有限，眼見C就快升中一，我最多未睇多一個月到，唉！到時我怕C唔止逃學咁簡單。

所以呢！生小朋友之前要好好想清楚。唔好同我講唔識教LAW，邊樹會有人一生出嚟就識教人，未又係邊學邊做。

教仔女嘅責任始終係父母嘅責任，到時出事，唔係一句攪唔掂就OK啦~~

P.S.係度真係要多謝C的班主任，因為做左咁奈，第一次見有學校老師帶學生嚟補習社，仲對我好NICE (因為遇過唔少學校老師對補習老師有敵意，好似我搶佢飯碗咁@@")
班主任仲讚我有交帶。(面紅ING......) 都唔算啦~咁家長交帶得要我去學校接，我揾唔到人總要做D嘢嘅~~~失禮~~ 失禮~~