之前一連3 days嘅long weekend 好快咁過去，只能用一個字來形容-----忙！
21/5/2010 (星期五)
宇正ba一早出去會合契爺做嘢，然後出深水埗買TV線，中午返來同我地飲茶。因為太奈無煮飯，所以我就提議玩煮飯仔！因為實在好少煮，所以我當晚扒左兩碗飯，得來的結果就是消化不良 = ="
P.S. 是日方宇正7個月大啦!!!!
我七個月大喇~~~~~
22/5/2010 (星期六)
今日晚上打算去爺嫲家痴餐，所以早上宇正ba就打電話問會不會煮飯，結果爺嫲嚟左我地屋企樓下酒樓同我地飲茶，叔叔同佢gf都有嚟！haha~~每次叔叔見到宇正都好落力同宇正玩，聲音自然tone到lowB聲，好攪笑。
之後我地就先返屋企STANDBY，等D乜，之唔係等馮醫生電話，因為之前6個月嗰支六合一未打(因為病左)，醫生話要等好番哂再隔兩個星期先打。馮醫生個度無得BOOK時間，只可以掛號，他會問你要幾奈到到，再打電話比你，因為我地住得近，所以提前15分鐘打嚟就OK喇！
咁又點解忙呢？因為要做家務，唔只平時要做個D，好多其它嘢我都會只嘢抹一次。因為平時只能做到吸塵拖地洗廁所及基本抹塵，好似洗玩具呀、BB車呀呢D工作就只能一星期做一次。
等到差唔多5時先等到電話話可以嚟啦！今次宇正好叻叻只係叫左一聲，醫生都話佢好活潑(同義詞=百厭)。
之後我地都費事返屋企，直接去爺爺嫲嫲到，上到去，放宇正落學行車，發覺佢而家玩得好叻叻，應該可以參加格籣坡治！(呵呵呵~~~)食完飯，玩完車，返屋企睇大結局。
23/5/2010(星期日)
今日中午依然係飲茶，依然係爺爺嫲嫲飲，無計喇！實在係太方便，有專車接送!
另外，今日公公DAYOFF(終於~~~~~) ，晚上嚟食飯家庭樂一下，都係煮飯仔，公公供應嘅靚牛扒真係越嚟越有水準，而宇正經過一大輪WARM UP，同公公FRIEND 左，之前宇正唔肯比公公抱，我都有D唔開心，但無計喇，公公要工作，我又要，見嘅時間實唔夠爺爺嫲嫲多，好在公公都好明白，同埋遲D等宇正大D，情況會好D嘅，因為宇正係爛玩B嚟麻！
年輕的公公~~~
好留心玩腳指WOW~~~~
呢個LONG WEEKENDS ，雖然無做過乜特別活動，不過就真係好鬼忙，下午在家的時候，做完家務就要合同爛玩B玩，你一離開佢視線，佢就會喪叫，心情好時就會比你好好地做埋D工夫，心情差時，你就要係高分貝環境下工作，又唔可以戴耳塞，一個字-------正！
所以，宇正最鍾意玩，玩d乜，當然係baba mama 啦~~
沒有留言:
張貼留言