回憶錄---0-3個月

因為呢個blog重新開始寫嘅時候
宇正b已經6個月大lu
之前嘅事
都想記低佢
雖然可能有d會唔記得

知道自己有左之後
第一時間就係買書
有乜唔識
攞本書出黎睇
個心好似安心d

連平時唔多睇書嘅宇正ba
都會睇下d育兒書架
買下買下
買左好多
有d送左比人
自己有用嘅就keep起

不過睇書始終唔及實戰
落手落腳做起上黎
都要一段時間
先熟手

宇正b出世時係醫院
都幾乖架
其他bb喊到拆天
佢都係瞓瞓瞓

不過歡樂嘅時光過得好快
宇正b番到屋企
都唔知道有無幾日
就變得
好扭計
好快就識要人抱住un
唔比人坐

其實呢d都唔緊要
最攞命
莫過於夜晚
因為初生bb仲未識分日頭夜晚
好多時 日頭睡覺 夜晚鬼打咁精神
宇正ba要番工
所以夜晚個更係我負責
對於新手媽媽的我
真的有d吃力

記得有一晚
我仲湊到喊添
零晨4點幾點
--唔係要奶
--唔係要片
--唔係要咀
淨係激喊
個一刻想放棄比奶奶湊算
不過最後都堅持
同自己講：
「呢d係一個做媽媽必經的，點辛苦，
   都唔好假手於人，bb知道的邊個照顧得最多的。」
個時我真係咁諗架 (而家都係)
雖則宇正ba話無可能記得
不過我深信感情係自小陪養
所以除左番工個幾個鐘
其他時間
都係我照顧宇正b的

所以坐月期間
我都無好好休息
所以一話腰酸背痛
就會比奶奶同宇正ba話我
個時無瞓多d床
唉~不過當時真係放唔到手架

難捱的頭3個月過去
對於宇正b的扭計
習慣左
而亦大概知道宇正要d乜
所以c服左d

送上宇正痴媽b 小movie~

近來回塘？？

宇正b大約3個月到
介左夜奶
通常都可以瞓天光

不過
唔知點解
宇正b呢幾個禮拜
半夜起身
要飲奶

究竟點解呢？
last餐奶都比多d
不過有時就飲得唔係太好
why???????

希望只不過是偶然一兩次
如果唔係
就慘喇~

生活瑣事~

6月25日 (星期五)
今日收工出去CWB晚飯~
是日宇正叔叔約爺爺嫲嫲去睇擺酒場地
因為是閒日
所以帶埋宇正B出去
等所有人放工就一齊DINNER~
DINNER 地點 :TIMES SQUARE 小南國
Katherine 媽好奈無出CWB
差D唔認得路呢~
CWB人好多
放工時間
仲多~OMG~

6月26日 (星期六)
這個星期睡得好差
宇正BA中午要出一出去工作
所以同宇正B無離開張床
到宇正BA番嚟先落樓下茶樓
番到屋企
做好家務
4點餵完奶
有係床同宇正小睡半小時到
是晚相約爺爺嫲嫲叔叔姑姐出TST晚飯
小肥羊是也
因為上次打邊爐送COUPON
用左之後每位一張紅衫魚都唔洗~
抵到~~~

是晚嫲嫲講起
暑假我放假湊宇正B時
隔幾天都要落嚟
成日都講話驚宇正B唔識得佢
OK~OK
無問題~不過宇正b又點會唔認得佢呀~
加上星期日無乜特別事的話
都會一齊飲茶
點會見唔到呢
想見多之咪見多D囉~
呢個嫲嫲
無見個係3幾日都掛到呢
嫲嫲口頭蟬:：「呢個係XX呀！唔認得呀？」
(XX=媽媽、爸爸、爺爺......ETC.)
日日都見媽媽爸爸
咁都唔認得
都幾攪笑姐

6月27日 (星期日)
今天天氣唔好
無出街意欲
中午係樓下同爺爺嫲嫲叔叔姑姐飲茶
跟住就係屋企睇左兩套戲
VERY 悶的電影
6時許
餵宇正B食粥仔
8時許
落樓下麥當當DINNER
番屋企睇電視
宇正BA上網睇WORLD CUP
點知睇睇下
無得睇
唔知係咪又比人BLOCK左
睇到2:1
再係新聞聽到變成4:1
無得睇點係十分鐘內入兩球添
希望唔係BLOCK左喇~
聽日再試下睇唔睇到先

小圈子 、碎碎唸

一直
處理小朋友之間的抖紛
採取嘅係「唔理政策」
小朋友之間的恩怨情仇
有佢地自己的解決方法
除非涉及暴力行為
否則我不會介入的

尤其是我呢班10歲11歲
開始步入青春期嘅「塞豆窿」
成日3日一小吵
5日一大吵
但是之後又FRIEND過打BAND

今日
上上下堂
其中一個學生比左張紙仔我
內容大約係話
阿邊個講我壞話
寫左落本NOTE BOOK到

咁我無計喇~
有人投訴
就要做D嘢喇~

問嚟問去
覺得成件事
好好笑囉~
你有話我講你壞話
我有話你畫我個樣
你串我   我串你

件事最後都係用最原始嘅放法
握手言和喇~

講下講下
我班o個兩個班爛GAG王學生
係全件事得出個結論
下次講笑前
要問一下
「請問我可以串你嗎？」
咁味分到幾時講笑
幾時認頁囉~

~爆~

回憶錄----坐月、抑鬱、不和？

因為是打自己工
所以都想休息夠先返工
宇正2009年10月21日出世
我2010年1月2日返工 (1月1日P.H.嘛~)
休息了2個多月

因為宇正BABA的假期唔多
得個5日
所以坐月期間
奶奶都有嚟幫手照顧我同宇正B
每天早上11點到
晚上7點走
謝謝奶奶的細心照顧
好再大家住得近
如果唔係就真係太辛苦喇~

講返坐月
做完手術嘅我
有點傷了元氣
開頭個個星期
行步路都無氣
去到第2個星期先好DD

情緒低落？產後抑鬱？
當然......有喇~
本身Katheirne 媽媽我以經係一個情緒化嘅人
加上宇正b係屋企第一個bb出世
(講緊嘅係第一個孫)
未出世前己經有好多想法
最怕係被人搶走個仔

唔係我誇張
宇正b未出世前
奶奶已經成日提住
可以放係佢屋企照顧
weedend先接走

好在宇正baba知道我唔喜歡呢個安排
加上我份工都只不過返5個半鐘
我地又住得好近
所以根本無需要寄住照顱

本身奶奶唔算係一個難相處嘅人
其實對我仲好好添
不過中間多左宇正b
就有時會有不和的時候
(不過而家情況好左好多)
(我都識take over喇~)

係坐月時
產後身體未恢復
加上情緒化
好少事都會睇得好重

記得有一次
宇正ba番工
是日有好多親戚到訪
(宇正ba的舅父們)
(老爺奶奶的多年朋友)
本來都無乜事
舅父們走左之後
奶奶送他們走
剛好宇正b要飲奶
我當然自己餵喇~
我又唔係唔識餵

餵餵下
奶奶番嚟
見到我餵奶
立即洗手
不停話嫲嫲餵下~好快~等等
我都餵到一半囉~
未比我餵埋佢囉~
我當時同奶奶講
得架喇~等我餵埋佢喇~

點知~
佢根本無視我
係我手中搶走宇正b
當時嘅我
真係講左句搶嘢呀~
須則係笑笑口
不過個心真係好un

宇正ba又唔度
得我一個
當時超唔開心
可以點
當時我借籍口落街囉
係街到喊左成個鐘
當時真係覺得自己超慘架
不過我都係第兩批到訪嘅人
現一現身
費事比人覺得奇怪喇~

人與人嘅相處
係要時間磨合
結左婚後
每個星期都會去奶奶食飯
不過講到真正相處
係係坐月嘅時候

除左爭宇正b呢part
其實同奶奶係friend左嘅
而家連呢個問題都解決左
點解？
因為宇正b化身成痴媽b之後
安全感升呢
所以出到街
or 上奶奶到食飯
咪比佢囉~
有時老人家長氣
咪當耳邊風囉~

係坐月期間
第一個要多謝的是宇正ba
因為bb一出世
好自然地
大家都會張焦點放係bb到
不過宇正ba無囉~
識左佢十年~
都未試過照顧得咁周到
雖然唔係維持好奈( hahaha~)

第二  要多謝我一班老死
係我出院嘅第一晚就立即上嚟睇我
(當時宇正仲係醫院曬燈)
比你地見到我一出院個殘樣添
(雖則而家仲殘~hahaha~)

休息左兩個月
但其實覺得好唔夠架
一來好唔捨得宇正b
二來坐月都無乜休息
點解？

下篇再講~
而家
要瞓喇~
聽日仲要撈架

good night~

宇正八個月大喇~

不經不覺
宇正已經八個月大了~
我也由一個新手媽媽
變成一個熟熟地手嘅媽媽 (hahaha~~)

報告一下成長情況先~
size:     100~110  (腳長過手，所以衫可以着100，褲有時要着到110-120)
體重:     over 20 lbs  (好重，所以我隻手應該要等唔洗抱佢先會好番架啦~)
飲食:    4餐奶，1餐粥  (早上: 6安   中午2餐: 5安    晚上睡前: 7安)
小食:    生果，包包，BB餅......佢可以食嘅都會比佢試少少
出牙狀況:    開始出下面兩隻門牙喇~見到兩條小小嘅白色線
 睡覺:    11點-12點入睡  早上8點-10點到起身
    小睡唔長最多一個鐘，算係瞓得少嘅BB
    不過好在都長肉，所以唔太擔心

玩學行車好叻，可以隨心所欲去邊都得
 所以要看實
坐得穩左DD，可以HOLD到10分鐘到唔跌
識反身，不過唔鍾意反，所以好少反

疑問:

呢個幾月夜晚瞓着後
會谒醒要飲幾啖水先瞓番
唔知係咪開泠氣嘅關係呢？
我已經開埋放濕機
唔知係咪正常呢？
宇正BA 話大人都會咁啦~
BB仔應該都一樣掛
不過下次見醫生問一下穩陣D~

呢張相係EE幫我影嘅，好鍾意個FEEL~


希望宇正天天長大，身體健康~咁媽媽就放心哂喇~

父親節快樂~2010

每年嘅父親節
都會同daddy慶祝
重視程度都幾架~
因為自小daddy所做嘅
很多很多~
除左揾錢
仲要做埋mami個份
可算係父兼母職
daddy~辛苦哂la~
i love 腰~

今年嘅父親節
屋企多一個baba~
就係宇正ba喇~~~yeah~~

今日中午出左去mage box飲茶~
謝謝uncle leung 幫我訂位
如果唔係都唔知道等到幾時
呢d咁嘅日子

因為唔記得帶相機
一張相都無影過......OMG
同埋人都幾多吓
所以都唔想影

飲完茶
去左好大間嘅大眾書局
買......DVD，一陣返屋企睇
跟住去左童裝個層走左一轉
齋睇......(宇正B 嘅衫實在太多喇~)
再去荷花走個轉
買左嘢......<<全港幼稚園入學天書>>
不過番屋企睇完覺得無乜用
$150就咁就無左~~~~~OMG

之後入正題......
去新開個間吉之島買嘢番屋企今晚玩煮飯仔
(因為覺得呢D日子出街食實比鋸到一頸血)
比想像中唔算多人
不過就太大
同埋唔熟架步 (apm個間熟到爛)
要周圍揾要買嘅嘢
下次都係去apm個間算

買完嘢
去左大家樂食20零蚊一個 tea set~
咁抵唔食
對唔住自己
個肚好似去番有左5個月個陣~OMG

攪掂完 tea set~
一架的的番屋企
3點半到
之後就係屋企hea~
睇下dvd~
daddy同宇正b玩下~
晚飯個part~
唔埋我攪
有妹妹嚟~
都ok喎
好喇~以後嘅home gethering dinner
就交比你啦~

因為都玩左成個下午
daddy同妹妹9點就番屋企休息喇~
妹妹聽日第一日學ballet
加油a~

希望daddy喜歡呢個father's day
因為要帶住宇正
都係留係屋企最方便
不過daddy應該無乜問題啦~
有宇正b係度
佢去邊都得喇~

之於宇正ba
今個係你第一個father's day
希望你喜歡我代宇正買比你嘅小禮物喇~
昨晚一到12點( 準備瞓嘅時候)
將份禮物掛係宇正架學行車到
叫佢(應該係推佢)行過去廚房門口
送比诜緊奶樽嘅你~
surprise嗎？
 (不過從你嘅面上睇落好係無乜反應)
但其實係咪係內心
開心到暈呢？

回憶錄---生仔過程2

上回講到
痛左兩日
都係開得2度......OMG
到左零晨5點幾
做左無痛分娩
因為唔痛
終於可以休息一下
之前姑娘幫我穿左羊水
希望可以開快D
休息一陣

到早上8點幾
有一個女醫生嚟睇我
開左3度......

醫生話等到4點前
如果仲未開夠度數
要考慮開刀

打電話同老公講一講個情況
因為唔想浪費D 假
叫老公先番工等消息
中午個醫生都有嚟幫我CHECK多次
不過都仲係開到4度  = ="
除此之外
我仲開始發燒

鬼咩....喊左咁奈
落到產房又唔比飲水
只可以濕下個口~
又成2晚無乜點瞓
唔燒就奇喇~

所以
醫生都話好大機會要開刀
立即打電話CALL老公
叫佢早走
老公4點到到
入左嚟產房睇我

4點幾，醫生嚟CHECK~開到6度
唔等啦~立即簽紙開刀
咁大個女，第一次比人鋸~仲要係半身麻醉
驚當然驚，不過當時只想BB安全出世
所以唔諗到咁多嘢

預備好手術前的程序
被進入了手術室
當時感覺就好似屠宰場的豬
被綁住一個十字文型的手術床
飲左一杯好難飲嘅胃藥(防胃酸倒流)
因為之前以經做左條藥管係背脊
所以可以直接打藥入去
麻醉科醫生一直問我有無感覺
直到OK就開始落刀
落左麻醉藥應該唔痛架
但唔知點解我覺得痛囉
我好驚咁同醫生講我覺得痛
但醫生話無可能架，叫我放鬆D
攪左好奈(我覺得......)
到令唔到個BB出嚟~
隔左一陣
其中一個醫生同我講~
BB個頭比較大
要開大D個刀口，問我好唔好
(我心諗:可以話唔好架咩)
口裡就答：好！快！
又攪左一大輪
終於........
宇正出世喇~
當時嘅我，以經無理自己嘅身世
只係不停問：「BB有無事呀？」
等到聽到喊聲，我個心終於定落嚟
姑娘抱過嚟，叫我望一下係男仔定女仔
再抱走一邊清理一下~
個姑娘仲好抵死咁話無抱過隔離房
唔會LOW亂(個排公立醫院好興掉亂BB)
清理完，包好布，就抱過嚟比我KISS一下
要抱去第二度BODY CHECK喇~
因為我知道老公係外面等緊
所以我叫姑娘比佢先望一眼
姑娘都好好咁話OK

之後，我被堆到一個AREA休息
要等麻醉藥散先可以上病房
等到唔知幾奈
等到個人好驚，好凍，霞哂，
開始又亂諗嘢
點解下半身咁奈無感覺？
點解無人理我
我好想見老公吖~
好驚，好驚.....
姑娘見我咁，叫我放鬆
我就話如果比我老公係度陪我
我先放鬆到
姑娘當然話唔得喇~大老，呢樹公立醫院嚟架！
我好努力咁"育"我D腳趾
又等左一排，終於可以上病房喇~
姑娘見我打哂冷震，低聲哭泣嘅樣
比我係上病房前先見一見我老公
一見到老公，個心就定左D，
我唔知道當時我個樣係點
不過應該都幾恐怖
出到口
我仲見到DADDY~
原來DADDY一直同老公係出面等我
見到DADDY
又急唔住喊(無錯！我係一個喊包)

可能有人覺得我好咋
不過我就真係盡左我能力
我有試過放鬆
當初我都好想自然分娩
不過試左兩日
真係唔得就唔得

有D嘢
你未試過
你唔會知道
就算你試過
但個個人感受唔同

有D媽媽話
生仔雖然好痛
不過你係會覺得值得囉~
呢點我同意

自從宇正出世個一刻
我真正感受到做為一個媽媽的偉大
不過我知道路還是很長
我未必係一個100分嘅媽媽
但我會盡力去做
希望宇正可以感受到我的愛
比佢可以自信、健康的成長！

15-06-2010~gathering!again!

連續2晚寶e一家都入嚟同我們gathering~
第二晚的住家飯~
因為聽日係P.H.
所以玩到差唔多12點先散BAND~
文樂B當晚HIGH爆
成晚都無NAP~
笑足成晚~CUTE~~

寶e餵文樂b食飯仔
宇正b 唔執輸
要食埋一份！

yummy!!

等食！亞媽都唔理架喇~

季節限定------住家飯

唔知點解
每年一到夏天
我舖煮飯癮就起

是日學生考試尾升~
5點半可以鬆人
8點半先接宇正
宇正ba又未收工
咁早做d乜好？
煮飯是也~

是日寶e一家3口入嚟我樹gathering~
買4人份量
係巴士站附近街士買餸
一舊水攪掂--------抵

番到屋企，天都未黑哂
難得~
嗱嗱林預備好餸菜~
洗洗切切

攪掂

開始煮喇~

煮腐乳豬肉

炒菜心

蕃茄炒蛋

攪掂

8點寶e家到達~宇正ba返到屋企~

整完剛好夠鐘落樓接宇正b

接完宇正b

開飯喇！

孖寶自己玩

大人開餐

我發覺真係佢地越嚟越有交流

唔得，要比佢地見多d喇~等佢地friend左
到時佢地有佢地玩
我地有我地吹水-----正

慈父

兩個大頭仔