自己嚟之三日兩夜~1

宇正BABA要去公幹3日，星期四五六，星期六晚夜機返，呢幾日就得我同宇正自己喇~

星期四~(10/6/2010)

今日我好多學生開始考試，放早，所以破天荒6點可以鬆人，無地方去，時間尚早，去左宇正爺爺嫲嫲樹痴餐，8點幾返到屋企，嫲嫲短暫停留幫我看住宇正B，等我幫宇正洗白白，再自己洗白白先走，爺爺架烈火戰車係樓下等，辛苦哂兩位喇~

嫲嫲走後，比佢食BB餅，飲水水，玩一陣，開始用揹帶"暗"宇正瞓，瞓到10點到，醒左，扭計，繼續用揹帶，10點半，宇正BA打嚟，開我攪唔攪得掂，都算OK啦~不過宇正BA都仲要開會，辛苦哂啦~努力呀~

其實都無話攪唔掂嘅，只不過無左宇正BA，有D寂寞姐~正所謂「一日不見，如隔三秋」，今運隔左9個秋。今次我有足心理預備------「揹帶不離身」。包宇正B投降啦~

小插曲~

之前有同宇正嫲嫲講宇正痴媽情況，嫲嫲唔係好信，今日係佢屋企時仲話宇正唔識得我添，比着之前我會唔開心架，不過宇正係屋企化身為痴媽B之後，我就一D都唔擔心啦~我知道我呢幾個月嘅努力有成果，當時佢咁講我只係笑住話宇正夜晚無左我唔得架，果然，之前係嫲嫲屋企唔太SO我嘅宇正，一番到屋企，我一離開佢視線範圍就開始叫HILL，嫲嘛唯有抱住佢跟住我，睇住我執好D嘢。

痴媽B雖然有時有D麻煩~不過亦是媽媽的驕傲。

對於我嚟講~係証明我有落心機照顧個仔嘅表現~

送上早幾日朝早影嘅幾張相~~

曳喇你~唔肯瞓番，媽媽一陣要返工架~

明明個樣都未瞓醒，你個爛玩B~

點解你成日望鏡頭個樣都咁HILL張架?


問題:  點先可以UPLOAD影片上BLOG度？我試過幾次都失敗左。