一半

2011年7月24日 (星期日)

話咁快...我的大假就去左一半喇...

每日都好忙碌...

其實係仲攰過番工架

不過湊仔又確係開心既...

宇正b越黎越大...

同佢既交流就越黎越多

仲有就係近排湊佢既時間多左

感覺佢又黐番我多少少喇...

開心~開心~

呢幾日差不多係零照片

事關老公早幾日工作曬病左

而我就更加忙於湊仔喇...

加上呢兩日天氣熱到爆...

出街係唔想做任何事架...

好似今日上playgroup

因為夜晚的gethering地點係我屋企...

加上老公都仲係攰攰地...

所以今日自己單拖湊宇正去上堂

上堂時間又改到3點半

都係閘左係小朋友的午睡時間

天氣熱熱熱..宇正呢兩日出牙唔c服...

好再都係巴士上訓到15分鐘...

去到時間早少少...

玩下warm up下...

樂b今日都早到呢...

兩個係度玩下...

3點半入課室上堂...

唔知係咪自己的感覺

自從知道班上其他小朋友的年齡相差大後...

對呢個班開始無乜特別期望..

加上感覺課程有d困難...

好多時宇正b都唔係做到...

今日有兩個game我就覺得有d深左

好似要戴眼罩摸物件呢下就有d難度...

首先...在場係無一個小朋友肯帶呢個眼罩...

第二...要用手摸完開眼罩再配對番一樣既...

對於21個月既大BB黎講,,,係咪好有難度呢?

另一個game...就係將一張實物圖放係個裝滿通心粉的盆到

用手拌開d通心粉再睇下張卡係d乜

講出係乜野...

嗯....如果係車吖...飛機呢類都ok既...

不過好多卡都係我未教到既...

所以...又係有少少難度...

唉...其實近排上堂都好有錯敗感...

雖然我自己覺得宇正b的進度係ok既...

不過就係因為覺得堂上的課程太深令宇正難以投入

失去我當初的本意...

不過見其他blog友仔都上得好好

都好開心

起碼自己都無介紹錯...

我稔...我的case應該都係個別問題黎既...

其實上10堂真係唔錯架...

如果唔係我都唔會報多10堂喇...

想唔到呢10堂有咁多問題囉...

有稔過同starting blocks反映...

不過算喇...

唔再報...

就唔想再講喇...

黎緊先休息一下...等自己好好想下...再報其他類形的playgroup喇...

=================================================

無乜心機吖...宇正呢兩日出牙心情唔靚...

另一個問題就係宇正B的尿片夜晚有漏的問題

有時嚴重到成身都濕哂吖...

樂媽建議我夜晚逗宇正B去廁所

難D因為宇正B未可以自己去廁所...仲有D抗拒坐

我唔想迫佢吖...咁會有反效果架..

所以一到4,5點我就乍醒

同佢換片....驚唔換朝早仲大鑊 (到時係換床單吖!!)

睡眠質素好差吖...

依家用開PAMPERS虫虫彈力升左級...

話說吸濕力強左...有10小時...

希望會好D喇....

如果唔係我就晚晚都訓得唔好吖.....

我唔係「短睡精英」黎架...