惡C媽媽 vs 百厭囝囝: 5月 2012

2012年5月29日星期二

半死不活

2012年5月29日 (星期二)

6月頭就係期中考試了，但我班少爺小姐們完全不在狀態，每日工作就好像是火山爆發。

不知道是不是因為太過勞氣？好幾夜都睡得不安穩，今天早上還心口痛 (因為睡姿不正壓到了)，投身補習行業多年，不知道為甚麼還是看不開，好多時自己都盡了力啦！還勞氣些甚麼呢？教而不善屢見不鮮，一個一個monster parent令人氣憤。

朋友在飯聚時問我某某學生怎樣令我勞氣了？(因為有時忍不住在FB上抱怨了) 如果你不是有小朋友還是同行，真的不知道要怎樣解說給你知。

其實每次責罵了學生都好辛苦 (你估罵人不用氣力嗎?) ，最大的問題是講了道理出來你又明白多少呢？

唉！是我食古不化了還是你太過頑劣了呢？想起你現在只是一個二年級的學生，不敢想像你將來的路會有幾難行呢？

2012年5月26日星期六

Bio-Oil

2012年5月26日 (星期六)

某日放工收到PR姐姐的電話

問Katherine媽媽有無興趣試下佢公司個款去疤護膚產品

護膚既product當然有興趣喇

公關姐姐說呢款產品連多年疤痕都可以減淡

係?! 就真係要試一下喇

Katherine媽媽我周身疤

唔難搵地方測試一下

星期六的下午收到了product

細閱一下leaflet

好多function呢！

教你點用Bio-Oil按摩，令效果更顯著

Bio-Oil含突硬破性的PurCellin Oil, 維他命A和E，及由多種天然植物油提鍊。

配方有助滋潤保濕，提升皮膚彈性，促進肌膚再生

而當中的專利成份PurCellin Oil令Bio-Oil質地更貼薄，同時幫助皮膚迅速吸收產品的有效成份，滋潤而不油膩。

總括黎講就是適合所有人用！產品安全性於世界各地眾多用家間建立了良好的口碑，使用引起皮膚過敏反應之機會極微，敏感皮膚人士及孕婦亦可放心使用。

孕媽媽可以用懷孕期第13週開始使用，可以幫助滅低妊娠紋的形成。

單張上說每日用兩次，連續使用至少3個月先見到效果，本來打算幫宇正搽一下面上的咬痕，不過一早以經用緊另一個牌子，廢事轉黎轉去喇！

用媽媽隻手做測試吧！下方大的疤痕是我好細個時仆親整到的，跟左我廿幾年喇！好有感情

上方個條比較唔明顯的是幾年前比狗咬的！

打開盒蓋聞一下，氣味有d似BB油，清香，VERY LIKE~

分別用左兩滴按摩兩個疤痕，用完無乜特別大感覺，亦唔會太油膩，畢竟去疤不是一朝一夕的功夫，要持之以恆！

除去疤外，Bio-Oil還可以改善膚色，其含抗氧化成份，另外亦可抑制黑色素形成, 從而幫助改善因賀爾蒙，照太陽燈或紫外線引致的色斑或瑕疵。

呢個我都好有興趣試一下個效果呢！我打算每日夜晚沖完涼做護膚程序時加入按摩Bio-Oil呢part，看看會不會減淡面上的斑先。

三個月後再和大家分享一下吧！

如果有興趣知多些資料，可以click入下面website看看

bio-oil.com

2012年5月25日星期五

長大了

2012年5月25日 (星期五)

不經不覺，宇正已經不是baby了，而是一個小朋友了。還有兩個多月就要上K1喇！作為媽媽的我，真是有點不捨得你大得那麼快呢！不過見到你一天一天的進步，真的好為你而驕傲。

兩歲半的宇正，說話能力很強，好多時會學我地大人講話。真是可愛到暈 (SORRY~戀仔狂發作)

COPY一段早幾日係FB打的對話

今日臨出門口時。
宇正: Minnie (公仔)一齊出去
我:唔得架，Minnie 要係屋企瞓覺吖
宇正安頓好Minnie 係sofa瞓覺，蓋好被。
同Minnie 講: bb出去，minnie乖，瞓覺，今晚返嚟
再過一陣宇正抱起Minnie 走嚟同我講: Minnie喊，要一齊
我:你同佢講唔好扭計啦！
宇正同Minnie講: 唔好喊，bb好快所返嚟，乖！

Minnie是宇正太婆送給他的一個公仔，雖然老公成日話我教宇正玩公仔成個女仔咁，不過見佢好似湊baby咁湊minnie真係好鬼得意。

自從表妹出世後，宇正的哥哥風範走哂出黎，奶奶同我講，表妹一喊，佢就會學亞嫲叫：「嚟緊.....唔好喊！」

表妹換片時又會幫手攞濕紙巾同新片。

講下講下....大家會唔會以為Katherine媽媽想生多個??

NO..NO..NO....

我同宇正爸爸都無呢個計劃。只係單純覺得自己個仔好乖姐...WAKAKAKA....

2歲半既宇正古靈精怪，有時真係比佢笑死。平日夜晚有心機時我都會同佢玩下FLASH CARD。

某個晚上

我 (拿起張卡): 呢個係咩吖?
宇正: AR....AR....胡蘿蔔.....CARROT
我 (再拿起另一張) : 咁呢個呢?
宇正: AR...AR.....(攞起檯上的玩具電話).....喂喂....哦...哦....知.知.....
宇正: (拎開個電話對我講) 糖果 .... CANDY......
我: .....................................

呢條友仔居然扮打電話問功課，呢下真係無人教過佢喎....都唔知佢係邊樹學翻嚟...WAKAKAKAKA..

呢個年齡的小朋友真係好得意...好多時都會語出驚人！

今日老公同我地一齊搭馬鐵，因為前日宇正落樓梯唔小心PK，今日行到去案發現場時爸爸再次提醒宇正行路要留心行吖之類。

再過多陣唔知講開D咩，宇正突然彈左句：「BB "X街"」

OOH.....大人們說話時要小心小心喇....

2012年5月19日星期六

Last Lesson at CPDA

2012年5月19日 (星期六)

到最後的一堂喇

放學接宇正

看到你開心的樣子

好為你而驕傲

相信你到9月返學時

都會好快適應的

雖然呢班的秩序真的麻麻

不過知道 Emma姐姐真的是一個好愛小朋友的一位老師

你都要加油吖 ^^

2012年5月16日星期三

煲劇

2012年5月16日 (星期三)

5月，好多追開的美劇都完左季喇！gossip girl .....Grey's Anatomy.....Private Practice....全部都到尾個集，要等下個season先有得睇。突然無得追劇，好空虛！

和好多師奶一樣，Katherine媽媽好喜歡煲劇，呢個亦都是我減壓方法之一，特別鍾情美劇因為她的節奏明快，喜歡你就喜歡，唔喜歡就say bye bye！另外就是製作認真好多.....

以前讀書個陣追ER追得好瘋狂，可以因為咁而每個星期三都好開心(明珠台播個日播)，上幾年中係租碟鋪租返成套由頭煲多次。