去到第9堂，尾聲喇！呢堂開始要小朋友自己上堂了，家長只可以送到課室門口。呢幾日都不停同宇正講，等佢有心理準備，不過其實都預佢喊架喇！我仲預備多套衫以防萬一，怕好似上次喊到嘔。
早左少少去到，未入得課室，係外面等，宇正以經黐實左爸爸，不停同佢講一陣要佢自己上堂喇，不停唔好，不停話要爸爸媽媽一齊。當然我就對佢講唔得架，個個小朋友都要自己上堂架，要加油唔好喊，爸爸媽媽會準時你放學架！
入得課室喇！一路都要黐實爸爸，被我抱開開始叫救命喇，到去到課室知道無得開始大喊，快手佢講bye bye就離開，同熙爸熙媽係樓下食個tea傾下計。
早20分鐘到上返去，喊無上次利害，counter個位姐姐仲同我講佢三入課室都無見到宇正喊呢！叻仔！
睇黎其實宇正的適應都唔錯，係我自己都認為麻麻地的上堂氣氛下，都可以咁快適應！
仲有一堂就上完喇！見到宇正上得ok (=唔喊) ，我又有d動搖喇！係唔係應該再上呢 (係第二度) 不過老公堅決要等5月中幼稚園寄信下有無暑期班先，都係既。
放學去左M記買包細薯條獎勵一下宇正，因為我係上堂前有講過如果佢無喊的話就買薯條比佢，當然無比哂成包喇，倒左4,5條係個紙袋到比佢食。
之佢見到麥當勞就不停叫要買薯條，我就話要返學唔喊先可以買架！
沒有留言:
張貼留言