激親

2011年3月1日 (星期二)

今日工作時
比班小朋友激親吖!!!
唔知道其他同行有無同感...
幾個大的公眾假期 (Easter,Christmas,New Year,Summer)
最令小朋友心散到不堪既就係農曆新年
我同Candy姐姐分析過
因為農曆新年真係普天同慶
大人細路齊齊玩
一開學...個個個魂魄都唔知去左邊樹囉
呢個問題最嚴重既係d低年級到
兩個鐘都做唔到一兩樣功課
本身資質比較差既仲勁
連自己有乜功課都唔知道
返到黎攞左幾樣嘢出黎就當係功課
問佢乜都唔知 (要我上網check!!!)

假如依家係9月開學既時候
我唔介意你成舊雲
之但係都補左半年啦
一路都係要我每題講
有時仲要我講個答案比你知
你都唔知我講乜
問你死未!!!!!

仲要係度玩!!!!!
玩同人踢腳!!!
你既媽媽仲要問我點解做咁奈都未做完?
我都想知!!!!
今日我又再講一次
假如你係唔想讀既
就唔好哂媽媽d錢補習喇
又或者請個一對一幫你喇
小組補習黎講
我巳經盡力喇
每次都浪費一大段時間讀字比你聽
講完你又唔記   又唔溫
浪費我的心機呀!!
仲有對其他小朋友都唔公平囉

自己好自為之喇!!!

呻完!!!