飲食篇--------BB粥

宇正B四個月到
我開始比糊仔他試
買了雀巢牌的米糊
UP TO四個月可以食

一路都進展唔錯
慢慢地
開始係米糊加入其他材料比佢試
3幾日轉一款 (胡蘿蔔、西蘭花、南瓜...etc)
因為怕會敏感
所以每次只可以試一款

米糊始終都係熱氣
所以五個月到
開始煲粥仔佢食
當然開始嘅時候並未可以當正餐
因為分量未夠
唔夠飽  所以食完都要補奶架
去到六個月
就將一餐改為粥仔

不過我煲嘅機會比較少
因為宇正b係夜晚7點到食粥
換言之
宇正b星期一至星期五都係係嫲嫲到食粥
當然我同嫲嫲不停交換情報
睇下宇正b食粥仔同糊仔嘅情況
不過開始的時候
當時無咁順利喇
唔好睇宇正b好為食
佢都有唔食嘅時候架
Katherine媽媽同嫲嫲都好苦惱
不斷咁改良方法
希望宇正b會鍾意食

當時方法如下
粥照煲
唔食的話
沖米糊加奶粉
因為有奶味
所以宇正b通常都食
不過都有唔食嘅時候架
咁點？
味飲奶囉

一路都係咁
每晚就好似抽獎咁
睇下d粥啱唔啱大官嘅餵口

之前煲粥
一直都你10蚊瘦肉切片加一款材料
因為唔會落鹽
所以只有靠肉片同瓜菜黎增味
唔知係咁因為咁
宇正b唔喜歡食
有想過加魚肉煲
不過就好怕有骨
終於
比嫲嫲諗到方法喇
就係用魚湯煲粥喇
煲出黎
唔落鹽都好甜美架
首先用煲魚袋煲魚湯
((記得加一片薑係袋裡去"聲"味))
魚湯要煲一個半鐘先煲到魚嘅精華出黎架
如果唔係會哂哂係魚架
因為宇正b而家開始有兩餐食粥
所以我早一晚會煲定魚湯
放係雪櫃備用
第二朝起身
將材料放落可以煲bb粥嘅電飯煲
一按鈕就ok
仲可以keep warm添

雖然呢個方法係麻煩d
又貴d
不過最重要
都係佢肯食
重點係魚湯對好營養
對bb好好架
不過有一點要注意
就係買魚嘅時候
唔好買咸水魚
因為煲出黎嘅湯會咸架
睇書建議bb到一先好食少少鹽
之前唔知
試過煲出黎嘅粥
超咸
no good 喇
首選魚類:紅衫魚
樓下街市賣20蚊2條到
可以分2餐用

影低今日的材料比大家參考一下

將所以材料一齊放落去煲
今次係胡蘿蔔+西蘭花

西蘭花已經煲溶左入湯到喇
夾起胡蘿蔔壓爛
魚同肉煲哂d味
都可以唔要喇
town涼後就可以放入雪櫃
明天用喇